---
title: "Sisorarfiit"
date: "2026-05-21"
created: "2026-05-21"
---

[Saqqaa](https://sermersooq.gl/)

                    [Innuttaasunut](https://sermersooq.gl/innuttaasunut)

                    [Sunngiffik amma Piorsarsimassuseq](https://sermersooq.gl/innuttaasunut/sunngiffik-amma-piorsarsimassuseq)

                    [Timersorneq](https://sermersooq.gl/innuttaasunut/sunngiffik-amma-piorsarsimassuseq/timersorneq)

                [Sisorarfiit](https://sermersooq.gl/innuttaasunut/sunngiffik-amma-piorsarsimassuseq/timersorneq/sisorarfiit)

# Sisorarfiit

Sisorarnermik soqutigisaqaruit Nuummi sisorartunut majuartaat atuarnerusinnaavat. Nuummi sisorariassaguit paasissutissat pisariaqartut uaniipput.

Nuummi sisorarfiit Nunatsinni anginersaavoq. Tassani sisorarfiusinnaasut immikkoortut pingasuupput – meeqqanut sisorarfik, inersimasunut sisorarfik sisupiloortarfillu. Marlunnik majuartaateqarpoq. Aappaa meeqqat sisorarfianni aappaalu sisorarfissanut marluusunut. Majuartaammik anginermik Quassussuarmut 800 miiterit majuartoqarsinnaavoq.

Sisorarfiit Inuussutissarsiuteqarnermik ingerlatsisutut Aningaasaateqarfiuvoq Kommuneqarfik Sermersuumiit ukiut tamaasa ingerlatsinermut tapiissuteqarnikkut ingerlanneqartoq.

Suliavut Nuummilu innuttaasunut neqeroorutivut tassaapput, Quassussuarmi majuartaatip/illerngit ingerlanneqarnerat aamma Nuup eqqaani ujakkaarutinut illiniliornerit, majuartaatillu ingerlanneqarnerani kioskiaqqamik/kiassarfeeqqamik ammatitsisarnerput taakkununnga ilaatinneqarpoq.

Illerngit nunani tamalaani atorneqartartutut akuerisaapput qorsunnik/aappaluttunik qernertunillu illineqarlutik, ilaatigullu F.I.S.-imik sisorartarnerit ingerlanneqarnerinut nunani tamalaani akuerisaallutik.

Sisorarfinngoraangat ujakkaarnermut illerngit ullut tamaasa ingerlaarfigineqartarput aputillu qanoq innera apeqqutaalluni 5-7-11 km.-iusarpoq, illoqarfiullu alliartornera ilutigalugu illerngit qitiusumik inissisimaleraluttuinnarput.

## **Imatut sisorarfinnukarsinnaavutit**

Nuup Bussii nr. 3 siumut utimullu tamaanga ingerlaartarpoq. Nuup Bussiisa [nittartagaani (bus.gl)](http://www.bus.gl/) piffissat bussit ingerlaartarfii takusinnaavatit.

### **Sisorarfinni sisoraatinik atortoqarsinnaavoq**

Sisorarfiit klubbiat aamma sisorarnermik ilinniarfik sisoraatinik, snowboardinik kaminnillu attartortitsisarput. Atortakkalli killeqarmata, taamaammat siumut aperigit sisoraatinillu siumut inniminniillutit, taava sisorarusuleruit sisorarnissat taamaalillutit qulakkeersinnaavat.

Sisorartarfik Sisorarfiit suliffeqarfiuvoq imminut pigisoq.

## Attaviguk: Sammisassaqartitsivik Kulturilu

Kommuneqarfik Sermersooq  Ældreområdet  Imaneq 34  3900 Nuuk

### Sianerit

[+299 36 76 00](tel:+299%2036%2076%2000)

### Uagutsinnut allagit

[E-mail](mailto:visitation@sermersooq.gl)

### Eqqaamassatut allagaq

                            Ingerlatsivimmut pineqartumut GLN atorlugu akiligassamik nassiussineq periarfissaanngilaq