---
title: "Inussivik"
date: "2026-05-21"
created: "2026-05-21"
---

[Saqqaa](https://sermersooq.gl/)

                    [Innuttaasunut](https://sermersooq.gl/innuttaasunut)

                    [Sunngiffik amma Piorsarsimassuseq](https://sermersooq.gl/innuttaasunut/sunngiffik-amma-piorsarsimassuseq)

                    [Timersorneq](https://sermersooq.gl/innuttaasunut/sunngiffik-amma-piorsarsimassuseq/timersorneq)

                [Inussivik](https://sermersooq.gl/innuttaasunut/sunngiffik-amma-piorsarsimassuseq/timersorneq/inussivik)

# Inussivik

# **Inussiviup atorneqarnerani najoqqutassaq ulloq 1. marts 2025 aallarnerfigalugu**

## **1. Matoqqasarfiit aalajangersimasut**

Inussivik ulluni tulliuttuni matoqasarpoq, peqatigiifiit@sermersooq.gl aamma inussivik@sermersooq.gl, allakkatigut immikkut isumaqatigiissuteqarfigisimanngikkaanni:

- 1 januar – Ukiortaaq
- 21 Juni – Inuiattut ullorsiorneq
- 24-26 decembari – Juullip ullui
- 31 december – Ukiutoqaq

* * *

## **2. Aaqqissuussinernut timersortarfimmik atorneq**

- Timersortarfik amerlanerpaamik ukiumut ullut 18-it ataasiartamik aaqqissuussinernut attartorneqarsinnaavoq. ‘Ataasiartamik aaqqissuussinerit’ pineqarpoq, sammisat timersortarfiup aalajangersimasumik aamma piffissakkuutaartumik sungiusarnertut pilersaarutaasa ilaanngitsut, ataasiartamik aaqqissuussinerit tassaasinnaapput nalliuttorsiornerit, ataatsimeersuarnerit, unammiuaarnerit imaluunniit pisut allat. Timersortarfimmi aqutsisup akisussaaffigaa taakkua unioqqutinneqannginnissaannik aqutsissalluni qulakkeerinnissallunilu.
- Inniminniinerni attartortut ilisimatitsissutigissavaat banit **1, 2 imaluunniit 3**arlaat attartussallugit kissaatiginerlugit, kiisalu nalunaarutigalugu aaqqissuussinermut Inussivik ikkussuisuussanersoq.
    - Issiaviit aamma nerriviit
    - Isiginnaartitsivik
    - Skærmi angisooq
- Attartornerit ataasiakkaat tamarmik isumaqatigiissusiorfigineqassapput, tassani attartortup aamma attartortitsisup erseqqissumik nassuiassavaat suut akisussaaffiginerlugit.
- Juunip qaammataa nalinginnaasumik tassaavoq peqatigiiffiit piffissakkuutaartumik sungiusartarfinnik annikinnerpaamik atuiffigisartagaat, taamaattumik qaammammi tassani ataasiartamik pikialaartitsinerit ukiumut aalajangersimasut 18-it pilersaarutaareersut avataatigut attartorneqarsinnaavoq.
- Inussiviup aqutsisui pisinnaatitaapput naliliinertik naapertorlugu ataasiartamik aaqqissuussinerit itigartissinnaanissaannut.

### **Niiverfeeqqat kioskillu**

- Kissaatigineqarpat aaqqissuussinermut Inussivik niiverfeeqqanik kioskinillu ikkussuissasoq, tamanna inniminniinnermi nalunaarutigineqassaaq.
- Kaffiliorfimmik, pølsinut siatsivimmik imaluunniit toasterimik attartornissaq kissaatigineqarpat, tamanna inniminniinnermi nalunaarutigineqassaaq.
- Niiverfeeqqat ikkussuunneqarnerisa kingorna ingerlanneqarnerat aamma sulisoqarnerat attartortut namminneq akisussaaffigaat, allakkatigut allamik isumaqatigiissuteqanngippat.

### **Akigitinneqartut aamma akiliineq**

### · Inussivimmik attartorneq akunnernit aallartittunit tamanit 1.250 kr.-inik akeqarpoq, allamik isumaqatigiissuteqartoqarsimanngippat.

### o Peqatigiiffiit aamma timersoqatigiiffiit timersortarfimmik akeqanngitsumik attartornermik tunineqaraangata, innuttaasunut iserneq akeqassanngilaq.

* * *

## **3. Aaqqissuussinerit kalerriutigineqarnerat**

- Unammiuaarnerit, pikialaartitsinerit assingusulluunniit inussivik@sermersooq.gl **&** peqatigiiffiit@sermersooq.gl **kingusinnerpaamik sapaatip-akunnerinik 5 sioqqutsilluni nalunaarutigineqassapput**, piffissaagallartillugu timersortarfimmik atuisut ilisimatinneqarsinnaaqqullugit.
- Unammiuaarnernut akuerisaasunut unammivissatut pilersaarutit ingerlanneqarnerat sioqqullugit kingusinnerpaamik ullunik 14-inik nassiunneqariissapput.

* * *

## **4. Atornerani akisussaaffik**

### **Eqqagassalerineq**

- Timersortarfik attartussallugu iserfigineqarneratut qimanneqassaaq.
- Tamanna eqquutinneqanngippat attartortoq eqqiaanermi aningaasartuummut ilassummik akileequneqarsinnaavoq.

### **Atortulersuutinik aseruineq**

- Aseruinerit sungiusarnerup, aaqqissuussinerit imaluunniit assingusut nalaani pisut peqatigiiffiit imaluunniit aaqqissuisut akisussaaffigaat. Tamanna inussivik@sermersooq.gl aseruinerup kingorna erngertumik nalunaarutigineqassaaq.
- Atortut piaaraluni iliuuseqarnikkut imaluunniit mianersuaalliorujussuarnikkut aserorneqartut, akisussaasutut inissisimasumit taarserneqassapput.

* * *

## **5. Nikotin aamma Aalakoornartoq**

- ”Tunisassisat nikotinimik akullit” (taakkununnga ilanngullugit pujortarneq, sunoorsit, e-cigarettit assigisaallu) illumit 50 meterip iluani atorneqaqqusaanngillat.
- ”Aalakoornartoq” sungiusarneq sioqqullugu, nalaani aamma kingorna inerteqqutaavoq.
- Pissutsit ilaanni ”Aalakoornartoq” immikkut ittumik akuerineqarsinnaavoq, imigassallersinnaanermut akuersissummik atuuttumik pissarsiniartoqarsimanera kingorna ataasiartamik pikialaartitsinermik inniminniinermut atasumik ilanngullugu inussivik@sermersooq.gl nassiussisimagaanni.
- **Taanna unioqqutinneqarpat mianersoqqussummik imaluunniit peersitaavinnermik kinguneqarsinnaavoq.**

* * *

## **6. Inussiviup atorneqarneranik pingaarnersiuineq**

- Peqatigiiffiit aamma timersoqatigiiffiit ”**piffissakkuutaartumik sungiusarnerat pingaarnerpaajuvoq”**, kisianni aamma aaqqissuussat anginerit ullut 18-it aaqqissuussinernut atorneqartarnissaat pillugu malittarisassaq naapertorlugu siulliunneqartussaatitaapput.
- Aaqqissuussat innuttaasunut amerlasuunut sammisut pingaarnerutinneqarnerat
- Naak piffissakkuutaartumik sungiusarfissat nalinginnaasumik pingaarnerpaatut inissisimagaluartut pingaartinneqarpoq piffissani sungiusarfissatut tunniunneqartuni timersortarfiup sapinngisamik tamakkiisumik atorneqarsinnaanera. Naatsorsuutigineqarpoq, piffissat sungiusarfissat sungiusarnerpiamut atorneqassasut taamaaliorluni piffissamik atulussinnaanerit minnerpaamiitinneqaqqullugit.
- Peqatigiiffiit kaammattorneqarput ”**iluminni ataqatigiissaarinermik attaveqatigiinnermillu**” ingerlatseqqullugit timersortarfimmik atugaqarneq assuarnaatsooqqullugu. Timersortarfimmi piffissat atorneqartussat namminneerluni paarlaakkaanni peqatigiiffiit@sermersooq.gl & inussivik@sermersooq.gl nalunaarutigineqassapput
- **”Arfininngorneq nal 11.00-12.00”** meeqqanut immikkut isumassorneqartariaqartut **sungiusarnerannut atorneqartussapput**

* * *

## **7. Peqqinnartunik inuussutissaqarluartunillu nerisaqarneq**

- Innersuussutigineqarpoq nerisassat peqqinnartut inuussutissaqarluartullu eqqarsaatigineqartassasut, unammiuaarnerni imaluunniit aaqqissuussani nerisaqartitsisoqassatillugu.

* * *

## **8. Attavissat apeqqutillu**

Timersortarfik pillugu apeqqutissat imaluunniit atorniarneq pillugu allannguutinut uunga saaffiginnissutigineqassapput:
**Inussivik** – inussivik@sermersooq.gl

Tlf: +299 367526

* * *

Najoqqutassat taakkua ”**1. marts 2025”** atuutilerput aamma Inussivimmik atuisunit tamanit eqquutinneqassapput. Malittarisassanik unioqqutitsinerup kingunerisinnaavaa timersortarfimmik atuisinnaajunnaarallartitaaneq imaluunniit qaqugumulluunniit atuisinnaajunnaarsitaaneq.

## Attaviguk: Sammisassaqartitsinermik immikkoortortaqarfik - Nuuk

Kommuneqarfik Sermersooq  Fritidsafdelingen i Nuuk  Imaneq 20  3900 Nuuk

### Sianerit

[+299 36 75 35](tel:+299%2036%2075%2035)

### Uagutsinnut allagit

[E-mail](mailto:peqatigiiffiit@sermersooq.gl)

### Eqqaamassatut allagaq

                            Akiligassanut GLN-normu: 5790002292309