---
title: "Qaleralinniarneq"
date: "2026-05-22"
created: "2026-05-22"
---

[Saqqaa](https://sermersooq.gl/)

                    [Innuttaasunut](https://sermersooq.gl/innuttaasunut)

                    [Sunngiffik amma Piorsarsimassuseq](https://sermersooq.gl/innuttaasunut/sunngiffik-amma-piorsarsimassuseq)

                    [Piniarneq amma Aalisarneq](https://sermersooq.gl/innuttaasunut/sunngiffik-amma-piorsarsimassuseq/piniarneq-amma-aalisarneq)

                [Qaleralinniarneq](https://sermersooq.gl/innuttaasunut/sunngiffik-amma-piorsarsimassuseq/piniarneq-amma-aalisarneq/qaleralinniarneq)

# Qaleralinniarneq

Aalisakkat ilaat immikkut aalisarneqartartoq tassaavoq qaleralik. Qaleralik kalaallit nunaata sineriaani siaruarsimavoq, kangerlunni avataanilu. Aalisagaq aalisagartuumasuuvoq aamma itissutsini 200 – 2000 meterini uumasuulluni. Qaleralik ukioq kaajallallugu aalisarneqarsinnaavoq.

Inuussutissarsiutigalugu aalisartuuguit qaleralinniarnissamut aalisarnissamut akuersissuteqarnissaq pisariaqarpoq.

Sunngiffimmi aalisartuuguit nammineq atugassannik qaleralinniarnissamut aalisarnissamut akuersissuteqarnak. Qaleralittatit fabrikkinut tuniniarsinnaanngilatit.

Qaleralinniarneq sinerissamut qanittumi avataasiorlunilu aalisarnermut avinneqarsimavoq.

#### Pisassiissutit

**Sinerissap qanittuani qaleralinniarneq**
Sinerissap qanittuani qaleralinniarnermi aqutsiveqarfinni pingasuni ingerlanneqartarpoq, tassanilu pisassiissutit aalajangersarneqartarlutik, tassa makkunani:
• Upernavik
• Uummannaq
• Qeqertarsuup Tunua

2016-imi sinerissap qanittuani qaleralinniarnermi pisassiissutit ima aalajangiunneqarput: Upernavik 9.500, Uummannaq 9.500 aamma Qeqertarsuup Tunua 9.200 aalisariutit umiatsiaaqqallu akornanni agguataagassatut.

[Uani link-imi iserfigineqarsinnaasumi sinerissap qanittuani avataasiorlunilu qaleralinniarnermut tunngatillugu TAC aamma pisassiissutit ukiut tamaasa tamanut saqqummiunneqartarput](http://naalakkersuisut.gl/kl-GL/Naalakkersuisut/Naalakkersuisoqarfiit/Fiskeri-Fangst/Fiskeriafdelingen/TAC-og-kvoter/Kvoter-for-2017)

Sumiiffinni allani pisassiisoqarsimanngilaq.

Sinerissap qanittuani aalisarnermi qassutinik aalisarnissaq inerteqqutaavoq. Kommunilli ataasiakkaat sumiiffinni pissutsit ajornartinngippassuk, assersuutigalugu qassutinik aalisarneq aalisakkanik nungusaataanissaa aarlerinartoqanngippat, qassutinik aalisarneq akuersissutigisinnaavaat.

**Avataasiorluni qaleralinniarneq**
Avataasiorluni aalisarnermut aqutsiviit pingasuupput:
• Baffinip kangerliumanersua
• Davis Strædet
• Tunu

Sumiiffiit pingasut taakku tamarmik immikkut aalajangersimasumik aalisagartassiiffigineqartarput.

2016-imi avataasiorluni qaleralinniarnermi pisassiissutit ima aalajangiunneqarput: Baffinip kangerliumanersua 8.000, Davis Strædet 7.000 aamma Tunu 8.272.

[Uani link-imi iserfigineqarsinnaasumi sinerissap qanittuani avataasiorlunilu aalisarnermi TAC aamma pisassiissutit ukiut tamaasa tamanut saqqummiunneqartarput](http://naalakkersuisut.gl/kl-GL/Naalakkersuisut/Naalakkersuisoqarfiit/Fiskeri-Fangst/Fiskeriafdelingen/TAC-og-kvoter/Kvoter-for-2017)

#### Aalisarnermut akuersissummik qinnuteqarneq

Aalisarnermut akuersissutit sinerissap qanittuani aamma avataasiorluni aalisarnermi atugassatut atulersinneqartarput. Akuersissut ukiumut pisassiiffiusumut ataatsimut atuutsinneqartarpoq, taamaattumik ukiut tamaasa akuersissummik qinnuteqartassaatit. Ukioq pisassiiffiusoq 1. januar-imiit 31. december tungaanut atuuppoq.

Taamaattoq eqqumaffigissavat akuersissut pigilikkat akuersissummi ulloq suna atuutilernersoq allaqqanera taamaallaallu ukiup pisassiiffiusup naanissaata tungaanut atuunnera.

**Sinerissap qanittuani qaleralinniarneq**
Sinerissap qanittuani qaleralinniarnissamut akuersissummik qinnuteqarniaruit, kommunerisanni inuussutissarsiornermut siunnersortimut saaffiginnissaatit.

[Sinerissap qanittuani qaleralinniarnissamut qinnuteqaat aajuk](http://www.sullissivik.gl//-/media/sullissivik/blanketter-og-pdf/jagt_fangst_og_fiskeri/hellefisk_torsk_stenbider_fartjslicensansgning-_kal_nyt_2019.pdf?la=kl-gl)

Sinerissap qanittuani qaleralinniarnermut akuersissummik peqaruit, Kalaallit Nunaanni pisatit tunitsivimmut imaluunniit umiarsuarmut tunitsivittut atorneqartumut niussavatit.

Aalisarnermut akuersissutit tunisininni tamatigut takutittassavat:
• Aalisariut 9,4 meter-it inorlugit angissuseqarpat, pisavit nalunaarutiginissaannut tunitsiviup pisussaaffigaa
• Aalisariut 9,4 meter-it sinnerlugit angissuseqarpat, pisatit nammineq nalunaarsortassavatit
• Aalisariut 9,4 meter-it sinnerlugit taavalu 90 BRT/120 BT inorlugu angissuseqarpat, pisatit pillugit nalunaarsukkatit tunitsivimmut tunniutissavatit
• Aalisariut 90 BRT/120 BT-mit angineruppat, pisatit pillugit nalunaarsuut uunga nassiutissavat GFLK, Postboks 501, 3900 Nuuk

**Avataasiorluni qaleralinniarneq**
Avataasiorluni qaleralinniarnissamut akuersissummik qinnuteqarniaruit, Aalisarnermut Piniarnermullu Naalakkersuisoqarfimmut saaffiginnissaatit.

Avataasiorluni qaleralinniarnermik ingerlataqartuuguit, ullut tamaasa pisatit nalunaarsortassavatit.

[Aalisarnermut akuersissutit pillugit paasissutissat uani atuarsinnaavatit](http://www.sullissivik.gl//Emner/Jagt_fangst_og_fiskeri/Fiskeri)

#### Naammagittaalliuuteqarneq

Isumaqaruit pissusissamisuunngitsumik itigartinneqarsimallutit, naammagittaalliuuteqarsinnaavutit uunga apn@nanoq.gl.