---
title: "Inuiattut Ullorsiorneq 2024"
date: "2026-05-22"
created: "2026-05-22"
---

[Saqqaa](https://sermersooq.gl/)

                    [Innuttaasunut](https://sermersooq.gl/innuttaasunut)

                    [Sunngiffik amma Piorsarsimassuseq](https://sermersooq.gl/innuttaasunut/sunngiffik-amma-piorsarsimassuseq)

                    [Inuiattut Ullorsiorneq](https://sermersooq.gl/innuttaasunut/sunngiffik-amma-piorsarsimassuseq/inuiattut-ullorsiorneq)

                [Inuiattut Ullorsiorneq 2024](https://sermersooq.gl/innuttaasunut/sunngiffik-amma-piorsarsimassuseq/inuiattut-ullorsiorneq/inuiattut-ullorsiorneq-2024)

# Inuiattut Ullorsiorneq 2024

Kalaallit Nunaanni Inuiattut ullorsiornitsinni, tallimanngornermi juunip 21-anni 2024-mi pisussat pillugit paasissutissat uani quppernermi nanisinnaavatit.

*Inuiattut ullorsiornitsinnut atatillugu aaqqissuussat pillugit paasissutissat ataavartumik maani quppernermi avammut nalunaarutigineqartarumaarput.*

## Pisussat aalajangerneqareersut:

###

                                    Ittoqqortoormiit

**08.00: Kommunep allaffiata eqqaani erfalasulerneq**
Oqalugiartoqassaaq. Kingornalu kaffe tii ullaakkorsiuteqassaaq.

**09.15: Puisimik qassimasunik qimussikkut pisaqaqqanniunneq –**

Aallarfissat illoqarfiup qanittuaniit aallakaassapput aallaasimik marloriaq seqqornikkut aallartinneq nalunaarutigineqassaaq. Pisaqarsimasut qulit siulliit illoqarfiup tungaanut tikeqqaartut taakkuussapput siulliit pinnattaassallit

*Puiseq pisaq kommunemi tigussanngilarput*

**11.00 Qammavaaimmi qivaaqqimi aalisakkaneq pisaqarneqqusaanneq**

**12.00: Minihaalimi aaqqissuussat**

- Tikilluaqqusineq
- Nereqatigiinneq kalaalimerngit pølset, kaagillu
- Nipilersortoqassaaq: Nukannguaq Zeeb (Tulleriit), Ivâna Meincke aamma Wilhelm Danielsen
- Kalattoortartut aamma qilaatersortartut takutitsissapput
- Unammisitsineq: Kalaallisuuginneqqussaanneq Angut/Arnaq/Nukappiaraq/Niviarsiaraq

**15.30: Arsaattarfimmi arsaanneq**

- MEEQQAT arsassapput 2 x 20minut.
- NULIAKKAA 2×20 minut.
- ANGUTIT arsassapput inuusukaat 35-liineqanngitsut unammillugit utoqqasaat 35-leereersimasut 2 x 30minut

**19.00: Minihaalimi Unnussiuaaqatigiinneq**

- Qitinneq, kalattoorneq, unammisaqattaarneq
Nipilersukkanik akunniliisoqartassaaq
- Nipilersortoqassaaq: Nukannguaq Zeeb (Tulleriit), Ivâna Meincke aamma Wilhelm Danielsen

**21.50: Haalimiinneq naammassissaaq**

**22.00: Ulloq naggaserlugu qummoroortarneq minihaali eqqaani**

###

                                    Nuuk

**ULLAAKKUT PISUSSAT**

**7.30 Kommuneqarfiup Allaffianiit ingerlaaqatigiinneq**
Kommuneqarfiup Allaffianiit Nuup Saavanut peqatigiiffiillu ingerlaaqatigiinneq

**7.55 Nuup Saavani erinarsorneq**
Nuup Saavani isiginnaartitsisarfimmiit erinarsoqatigiit NIPE-kkut Nunarput erfalasorlu & Nuna asiilasooq atussavaat.

[Taallat uani aakkit](https://sermersooq.fra1.digitaloceanspaces.com/wp-content/uploads/2024/06/17133624/Sanghaefte-til-Nationaldag.pdf)

**8.05 Tikilluaqqusineq**
Nuup Saavani isiginnaartitsisarfimmiit saqqummiisoq tikilluaqqusissaaq.

**8.10 Borgmesteri oqalugiassaaq.**
Borgmesteri Avaaraq Olsen oqalugiassaaq

**8.20 Qilaat & erinarsoqatigiit NIPE**
Varna tivassaaq aamma erinarsoqatigiit NIPE-kkut atussavaat Nunarput utoqqarsuanngoravit.

**08.30: Puiseqqaanniuunneq aallartinneqassaaq**Inuiattut Ullorsiornermi puiseqqaanniuuttoqartariaqarpoq. Puiseqqaanniuunneq Naalakkersuisunit aamma Arktisk Kommandomit qamutilittarnermik aallartinneqassaaq!

[Puiseqqaanniuunneq pillugu uani atuarnerusinnaavutit.](https://sermersooq.gl/kl/inuiattut-ullorsiorneq-2024/#puisi)

**08.30 Hans Egedep Oqaluffianut ingerlaaqatigiinneq**
Ukioq manna Hans Egedep Oqaluffiani ileqquusumik naalagiartitsisoqassaaq, Annaassisitta Oqaluffia maanna iluarsartuunneqarmat.

**8.35 Nipilersornermik Ilinniarfimmeersut meeqqat erinarsoqatigiit erinarsussapput**
Nuup Saavani isiginnaartitsisarfimmiit Nipilersornermik Ilinniarfimmi meeqqat erinarsoqatigiit erinarsussapput.

**8.45 DJ Kalaallit nipilersuutaannik appisimaassaaq.**
Nuup Saavani DJ Liam kalaallisut nipilersuuterpassuarnik appisimaartoq tusarnaariaruk.

**09:00: Naalagiarneq**Ukioq manna Hans Egedep Oqaluffiani ileqquusumik naalagiartitsisoqassaaq, Annaassisitta Oqaluffia maanna iluarsartuunneqarmat.

**ULLAAP TUNGAANI UALIKKULLU PILERSAARUT**

**9.00 – 13.00 Kittat aamma Katersugaasivik Nuutoqaq**

Kittat ammassaaq. Kaffeqarlunilu, teeqarlunilu kaageqassaaq, aamma namminneq suliaminnik saqqummersitsilaassapput.

Katersugaasivik Nuutoqaq meeqqanut inuusuttunullu titartaanermik workshoppertitsissaaq. Kaffeqarlunilu, teeqarlunilu kaageqassaaq.

**14.00 – 17.00 Katersortarfiup eqqaani ilaqutariinnut nuannisartitsineq tusarnaartitsinerlu**

Katersortarfimmi nuannersumik ullorsioqatigiinnissamut peqataajartorniarisi, grillerisoqassaaq imeruersaateqarlunilu, aamma pisittaartarfeqassaaq. Suna tamarmi akeqassanngilaq!

Taamatuttaaq Nuummi agiartartoqatigiit nipilersussapput, aamma nal. 14 Nipilersornermik Ilinniarfimmi juniororkester tusarnaartitsissapput.

Nalunaaqutaq 15.00-imiit 16.00-imut René Brandt aamma nipilersortoq aamma tusarnaariarsinnaavat.

**UNNUKKUT PISUSSAT**

**19.00 – 22.00 Katersortarfimmi imigassartaqanngitsumik qititsitsineq.**

Daani Lynge, Pele Møller Band aamma Qinngorneq tusarnaariarniarigit.

**22.00 Qummoroortarneq**

Inuiattut ullorsiorluarnitsinnut qujanaq.

**Puiseqqaanniuunneq:**

**Nal. 07.50 – peqataasussat piareersassapput**

Peqataasussat nalunaarsimasut tamarmik Nuup Saavani katersuutissapput.

**Nal. 08.30 – Aallarneq**

Naalakkersuisut Artisk Kommando peqatigalu puiseqqaarniuunneq qamutilittarnikkut aallartissavaat. Puiseqqaanniuunneq qamutilittarnerit pingajussaanni aallartissaaq.

Puiseqqaanniuunnissamut peqataanissamut piumasaqaatit

- Puiseqqaanniuunneq aallartitsinnagu nalunaarneq
- Puisit suulluunniit piniarneqarsinnaapput
- Sunngiffimmi piniarnermut (inuussutissarsiutigalugu piniarnermulluunniit) allagartaq pisariaqarpoq
- Pisaqarsimagaanni nalunaarsorneqarnissaa

**Qanoq ajugaasoqassava?**

Ajugaasutut nalunaarutigineqartussat tassaapput puisimik pisaqaqqaartut pingasut Nuup Saavanut tikiusseqqaartut. Ajugaasunik suaaruteqartoqannginnerani puisit nutaassussaat misissorneqaqqaassapput, neqiillu puisinit pisarineqartuneersut pisarneq malillugu utoqqaat illuinut tunniunneqarumaarput.

**Pinnatassat**

Puisimik tikiusseqqaartut pingasut pinnatassaqarput. Ajugaasut pisaqaqqaarsimasutuinnaq pinnatik aamma pinnatassaqarput, tassani ilaatigut gummibådi nutaarsuaq aamma aquuteralak imaluunniit pinnatassat assigiinngitsut (goodiebag) pinnatarineqartussaallutik. Pinnatassat Yama-Tekimiit Nuuk Marine Centerimiillu tunissutigineqarput.

**Nalunaarneq**

Ukioq manna puiseqqaanniuuttoqarnerani peqataaniaraanni nalunaarsimasariaqarpoq. Peqataasussat nalunaarsimanermut uppernarsaammik pinnassimasut kisimik peqataasinnaallutillu pinnatassanik pissarsisinnaapput. Nalunaarniaruit ima-iliorsinnaavutit:

- Juunip 21-anni ullaakkut kingusinnerpaamik nal. 08.00, Nuup Saavani nalunaarsinnaavutit.
- Mailimut free@sermersooq.gl-imut allallutit, uku paasissutissat nassiullugit:
    - Atit – kinguliat ilanngullugu
    - Inuttut normut (cpr)
    - Kontonormut

(*Paasissutissat kommunimi naatsorsuuserinermi kisimi atorneqassapput, taakku pinnatassanik tunniussilernermi atorneqartussaammat. Puiseqqaanniuuttoqareerpat paasissutissat peerneqarumaarput*)

Inuiattut ullorsiornitsinni puiseqqaanniuunnissamut peqataanissat qilanaaraarput!

###

                                    Paamiut

**ULLAAKKUT PISUSSAT**

**07.30:  Ingerlaaqatigiinnissamut piareersarneq**
Peqatigiiffit kommunip allafiata silataani katersuutissapput.

**07.45: Ingerlaaqatigiinneq**
Narsartami erfalatserfiup tungaanut ingerlaaqatigiinneq, peqatigiiffiit erfalasulisartut ingerlaaqatigalugit.

**08.00: Illoqarfiup erfalasua amuneqassaaq**

- “Nunarput utoqqarsuanngoravit” atorneqassaaq
- Qummoroortarneq
- “Nuna asiilasooq” atorneqassaaq
- Kommunalbestyrelsimi ilaasortaq Dorthe-Marie Mogensen-Fontain oqalugiassaaq
- “Paamiut, Paamiut” atorneqassaaq

Kingorna naalagiartoqassaaq

**08.30: Puiseqqaanniuuttussat aallakaassapput**

**Naalagiarneq**
Naalagiarneq Narsartami pisussat pereerpata ingerlanneqassaaq.

**10.00-12.00: Tamanut kaffemik**

**NARSARTAMI UMIARSUALIVIMMILU AAQQISSUUSSAT**

- Nipilersortoqassaaq.
- 13:00 Puiseqqaanniuuttut aallartissapput, tikippata pilannermik unammisitsineq.
- 13:00-miit grillerineq
- 13:00-15:00 Vandcykle qajarissat + Magneetit aliikkutarineqarsinnaassapput
- 13:30 Najukkamik ataatsimiititaliaq aliikkusersuissaaq.
- 14:00 Ilaqutariinnut Color run + Tombola ingerlanneqassaaq.
- 15:00 arnannguaartut angutinnguaartullu unammisinneqassapput høvdingerlutik.

Unnukkut timersortarfimmi pisussat

- Nal. 19:00 Unnussiuaaqatigiinneq ammarneqassaaq.
- Tikilluaqqusilluni erinarsoqatigiinneq.
- 19:30 nipilersornermik unammisitsineq kikkulluunniit appissinnaapput, 1.2.3-nngortut akissarsitinneqassallutik.
- 20:00 kaagiliullaqqinnerpaamik toqqaaneq 1.2.3-nngortut akissarsitinneqassapput.
- 20:00 Asa 2 unammisitsinermi ajugaasumik toqqaaneq.
- 20:15 Ullukkut unammiuaarnernit akissarsititsinerit.
- Nipilersornermik unammisitsinerit naammassippata unnuk qitik.
- Nal. 24:00 Qummoroortarneq

###

                                    Tasiilaq

**08.00**: **Qamutilittarneq kiisalu puiseqqaanniuttut aallassapput**

- Erfalasulerneq kommuunimi
- Komm. Bestyrelsemiit oqalugiarneq
- Erinarsoqatigiit
- Orpiup toqqaviani ullaakkorsioqatigiinneq

**09.00**: **Naalagiaqatigiinneq**

- Immakkut ajunaarsimasunik eqqaaniaaneq (oqaluffiup silataani)

**13.00**: **Ualikkut Ittimiini (sila ajussappat haalimi ingerlanneqassaaq)**

- Tikilluaqqusineq
- Elisap erinarsoqatigiivi
- Puisimik pilannermi sukkaniunneq. (Sila ajussappat utoqqarnut tunniunneqassapput)
- Nipilersorneq (Scene tamanut ammasoq)
- Angutit naakkiarneqqusaannerat
- Uaaeernaq
- Qilaatersorneq (kikkulluunniit tikilluaqqusaapput)
- Arpatsitsineq (Meeqqat kiisalu inersimasut)
- Kalattut arsarneq angutit.
- Allunaasamik noqqoruunneq (Meeqqat inersimasullu)
- Puumut ikilluni sukkaniunneq (Meeqqat inersimasullu)

**16:10**:   Torersaaneq

**16:30: Akissarsiartalimmik ujaasisitsineq**
(sila ajussappat kupon-it timersortarfimmi agguaanneqassapput)

**18.30**: **Timersortarfimmi unnussiuartitsineq**

- Tikilluaqqusineq
- Erinarsoqatigiit “Kangiata Akisuarnera” erinarsussapput
- Kalaallisoorinneqqusaanneq
- Unammisitsinerit – Inuit Games (Uumasut nipaat, stick pull all.)
- Puiseqqaartunut akissarsisitsineq
- Akunniliilluni nipilersorneq (Johnny Cash)
- Puisimik pilallammammik akissarsisitsineq
- Isiginnaartitsisartut (Eino)
- Swinngillaqqinneqqusaanneq (Meeqqat inersimasullu immikkut)

**22.00: Qummoroortarneq**

**22.10–00.00: Nipilersortulerluni qitik –** scene tamanut ammasoq