--- title: "Inuiattut Ullorsiorneq 2022" date: "2026-05-22" created: "2026-05-22" --- [Saqqaa](https://sermersooq.gl/) [Innuttaasunut](https://sermersooq.gl/innuttaasunut) [Sunngiffik amma Piorsarsimassuseq](https://sermersooq.gl/innuttaasunut/sunngiffik-amma-piorsarsimassuseq) [Inuiattut Ullorsiorneq](https://sermersooq.gl/innuttaasunut/sunngiffik-amma-piorsarsimassuseq/inuiattut-ullorsiorneq) [Inuiattut Ullorsiorneq 2022](https://sermersooq.gl/innuttaasunut/sunngiffik-amma-piorsarsimassuseq/inuiattut-ullorsiorneq/inuiattut-ullorsiorneq-2022) # Inuiattut Ullorsiorneq 2022 Kalaallit Nunaanni Inuiattut ullorsiornermi, marlunngornermi juunip 21-ani 2022-mi pisussat pillugit paasissutissat uani quppernemi nanisinnaavatit. ## Nuuk ### Ullaakkut pisussat – Nuutoqaq **07.30 *Ingerlaaqatigiinneq*** Inuiattut Ullorsiorneq, ileqqoq malillugu kommunip allaffianiit Nuutoqqamut ingerlaaqatigiinnermik aallartinneqassaaq, tassani peqatigiiffiit ingerlaqatigiissapput aamma Nuuk Byorkester nipilersuutigalutik ingerlaaqataassapput. Ingerlaqatigiittussat ingerlaaqatigiiffissaani peqataanissassinnut aamma ilissi tikilluaqqusaavusi. ***07.55** Erinarsoqatigiinniit erinarsorneq – Erinarsoqatigiit Uummatip Nipaa erinarsuut Nuutoqqami scenemiit “Nunarput erfalasorlu” atussavaat.* ***08.00 Puiseqqaanniuunneq! + Nunarsuarmi paggaa annersaat!***Inuiattut Ullorsiornermi puiseqqaanniuuttoqartariaqarpoq. Puiseqqaanniuunneq Naalakkerasuisunit aamma Arktisk Kommandomit qamutilittarnermik aallartinneqassaaq! [Puiseqqaanniuunnissamut nalunaarfissaq](https://sermersooq.gl/kl/2022/06/inuiattut-ullorsiorneq-2022-nuummi-puiseqqaanniuunneq/) **Nunarsuarmi paggaa annersaat!**Nunarsuarmi paggaarnerit annersaannik paggaartoqarnissaa ingerlatissavarput, angunissaanullu pisariaqartippatsigit. Kikkut tamarmik peqataanissaannut tikilluaqqusaapput. Tamanna Nuutoqqami pissaaq, neriuppugullu peqataajumaartusi, paggatassassinnik nammineq nassarsinnaavusi. **08.05 *Tikilluaqqusineq.*** Akunniliisoq Paaliit B. Mølgaard Nuutoqqami ullorsioqatigiinnissamut tikilluaqqusissaaq ***08.10** Erinarsoqatigiit – Nuna Asiilasoq Nuutoqqami scenemi erinarsussavaat* **08.15 *Borgmesterip oqalugiarnera*** Borgmesteri Avaaraq Olsen najuuttunut oqalugiassaaq ***08.25** Erinarsoqatigiit Uummatip Nipaa – Nunarput Utoqqarsuanngoravit Nutoqqami scenemiit.* **08.40 *Annaassisitta Oqaluffiani ingerlaaqatigiinneq.*** Peqatigiiffiit ingerlaaqatigiinnermi saarliullutik Annaassisitta Oqaluffianut ingerlaaqatigiittoqassaaq, kikkut tamarmik peqataanissaannut tikilluaqqusaapput. **09.00 Annaassisitta Oqaluffiani naalagiarneq** Ileqqoq malillugu Annaassisitta Oqaluffiani naalagiartoqassaaq. ### Kittat 40-liivoq Puisip amianik qapiaalluni unammisitsinermi peqataajartorit, tassani aamma Kittap oqaluttuassartaa oqaluttuarineqarnera tusarnaariartoruk. Te, kaffi aamma kaagit sassaalliutigineqarumaarput. Nipilersornermik ilinniarfimmeersut tusarnaartitsiumaarput. **08.30** Kittat ammassaaq **09.15** Borgmesteri Avaaraq Olsen kaagimik avisseqqaassaaq **09.50** Puisip amianik qapiarluni unammineq aallartinneqassaaq **10.10** Ajugaasut suaarutigineqassapput ### Ullukkut pisussat – NUIF #### Nipilersortussat **13.00** Nuif rappers **14.00** René Brandt **14.45** Kali **16.00** Rikka ***Grillereqatigiinneq*** Grillerisarfimmik peqarumaarpoq, nerisassanik nammineerlusi nassatassinnik grillerinissaq periarfissaajumaarpoq. ### Kommunip ataani aaqqissuussat allat – Nuummi **Illorput** **16.00-17.00** Qilaatersornermik misiliinissanik periarfissaqarputit. Innuttaasut illuani Illorpumi, Sorlaat 11-mi misiliiartorsinnaavutit. **Nuutoqaq – Nuummi Katersugaasivik** **11.00-17.00** Nuummi Katersugaasivimmi ammassaaq, tassani saqqummersitsineq Inorrooq-mik taaneqartoq alakkarneqarsinnaavoq, aamma eqqumiitsuliortoq naapinneqarsinnaassalluni. **Malugiuk:** Nuutoqqami kiisalu H.J. Rinkip aqqutaani aqquserngit marluk (Nordbop tungaanut aqqut kiisalu Nuummi Illorsuaq Timersortarfiup tungaanut aqqut matoqqatinneqassapput. [Una toorlugu paasisaqarnerugit – Nuuk: 2022-mi Inuiattut Ullorsiornermi aqqusernginik matusigallarneq](https://sermersooq.gl/kl/2022/06/nuuk-2022-mi-inuiattut-ullorsiornermi-aqqusernginik-matusigallarneq/) Ulloq taanna sila ajussagaluarpat, taava ullaakkut pilersaarut Inussivimmut nuunneqassaaq, tassani utoqqaat Inussivimmiissinnaassallutik. Kaffeqarlunilu teeqarumaarpoq aliikkusersuisoqalaarumaarlunilu. Meeqqat inuusuttuaqqallu nal. 13.00-miit 17.00-ip tungaanut Nuif-immiissinnaajumaarput, silarlussagaluarpat. ## Paamiut ### Ullaakkut pisussat **07.30 *Ingerlaaqatigiinnissamut piareersarneq*** Peqatigiiffiit katinngalisarlutik kommunip allaffiata saavani katersuutissapput, erfalasulernermi peqataasussat ilagalugit. **07.45 *Ingerlaaqatigiinneq*** Peqatigiit katinngatillit siuttoralugit erfalasulerfissap tungaanut ingerlaaqatigiittoqassaaq. ***08.00 Illoqarfiup erfalasua amuneqassaaq*** - “Nunarput utoqqarsuanngoravit” atorneqassaaq - Qummoroortitsineq - “Nuna asiilasooq” atorneqassaaq - Kommunalbestyrelsemi ilaasortaq Dorthe-Marie Mogensen-Fontain oqalugiassaaq - “Paamiut, Paamiut” atorneqassaaq ***Naalagiaqatigiinneq*** Naalagiarneq aallartissaaq erfalasulernerup naammassinerani. ### Arrangementer i Taqqissuut ### Taqqissuummi aaqqissuussat **10.00-12.00 *Innuttaasunut kaffillerneq – Taqqissuummi*** Taqqissuummi aaqqissuussineq tussiaqatigiinnermik aallartinneqassaaq, tassani “Nersortigu” atorneqassaaq. Tussiaqatigiittoqareerpat aliikkusersuisoqassaaq, erinarsoqatigiinniit erinartoqassaaq kiisalu erinarsoqatigiittoqassalluni. Taqqiissumi kaffe, the kaagillu sassaalliutigineqassapput. Kaagit sassaalliutigineqartussat sunngiffimmi iffiortartunik kaagiliaapput. **19.30 *Unnussiuaaqatigiinneq*** Tamanut unnussiuaaqatigiinnermi ullormi unammissutaasimasuni ajugaasimasunut akissarsititsisoqassaaq, aamma sunniuteqarluarsimasunut nersornaasiisoqassaaq. Unnussiuaaqatigiinnermi Sermersuumi nipilersornermik ilinniarfimmeersut nipilersussapput. Najukkami ataatsimiititaliamiit aamma Dorthe-Marie Mogensen-Fontain oqalugiartoqassaaq. **22.00-24.00** Nipilersortartut assigiinngitsut appittarlutik Taqqissuummi tapartoqassaaq. **24.00** ***Qummoroortarneq*** Ulloq naggaserlugu Taqqissuutip silataani qummoroortartoqassaaq. ### Arrangementer ved Parken ### Narsartami/parkimi eqqaanilu pisussat **13.00** ***Puiseqqaanniuunneq*** PAPP aaqqissuisuupput, peqataasussat aallartinnginnermi nalunaaqquneqarput. **13.00-15.00** ***Immami cykkilerneq, qajarissanik misiliineq*** Aasivinnguani puttasuniit, misileerusuttut misiliiartorsinnaapput **14.00** ***Sammisassaqartitsineq/unammisitsineq*** Tassani Najukkami Ataatsimiititaliaq sammisassaqartitsissaaq. Ilaqutariikkaarluni stafetti, håndbold ass. aliikkusersuisoqassalluni. **15.00** ***Nereqatigiinneq*** Puiseqqaanniuunnermit puisit pisarineqarsimasut sassaalliutigineqassapput. Pølsit, qaqortuliaaqqat aammalu innuttaasut nerisassat nassatatik grillerisinnaassapput. ## Tasiilaq ### Ullaakkut pisussat **08.00** ***Qamutilittarneq*** Ileqqoq malillugu ullaakkut qamutilittartoqassaaq, tamanna pereerpat erinarsoqatigiit Inngeratsiler erinarsorumaarput. Aamma kommunalbestyrelsimi ilaasortamiit oqalugiartoqarumaarpoq. Naalagiannginnermilu ullaakkorsioqatigiittoqarumaarluni. - Erfalasulerneq - Erinarsoqatigiit Inngeratsiler - Kommunalbestyrelsimi ilaasortaq oqalugiassaaq - Orpiup toqqaviani ullaakkorsioqatigiinneq **09.00 *Naalagiaqatigiinneq*** Imaani ajunaarsimasunik eqqaaniaaneq – Oqaluffiup silataani **Ualikkut pisussat** Ittimiini pisussat assigiinngitsorpassuit ingerlanneqassapput. Oqalugiarluni tikilluaqqusisoqareerpat erinarsoqatigiit Kangiata Akisuanera – erinarsorumaarput. Nipilersortoqassaaq, uaaeertoqassaaq, arpatitsisoqassaaq allarpassuarnillu misigisassaqarumaarluni **13.00** – ***Ittimiini*** - Ittimiini tikilluaqqusineq, oqalugiarneq. (Sila ajussappat tamanna hallemi ingerlanneqarumaarpoq) - Erinarsoqatigiit Kangiata Akisuanera - Puisimik pilattaqqinneqqusaanneq (sila ajussappat utoqqarnut tunniunneqassapput) - Nipilersorneq (scene tamanut ammasoq) - Uaaeerneq, tivaneq - Arpatsitsineq – meeqqanut inersimasunullu - Kalattut arsaanneq - Allunaasanik noqqoruunneq - Kalattoorneq - Qissiamik unammineq - Puumut ikilluni sukkaniuunneq aamma naatsiiat alussaammut ilillugit sukkaniuunneq **16.30 *Akissarsiasalimmik ujaasititsineq*** – sila ajussappat kuponit timersortarfimmi agguaanneqassapput ### Unnukkut pisussat **19.00 *Timersortarfimmi unnussiuaartitsineq*** Tikilluaqqusisoqareerpat oqalugiartoqareerpallu erinarsortoqarlunilu, puiseqqaanniuussimasunik kiisalu pilallammammik akissarsititsisoqassaaq. Assigiinngitsut pisussat ukuupput: - Tikilluaqqusineq - Kommunalbestyrelsimi ilasortamiit oqalugiarneq - Elisap erinarsoqatigiivi - Puiseeqqarsimasunik akissarsititsineq - Kalattoortartut takutitsissapput - Puisimik pilallammammik akissarsititsineq - Swinngillaqqinneqqusaanneq – inersimasut meeqqallu - Najukkami ataatsimiititaliami ilaasortamiit oqalugiarneq **22.00 *Qummoroortarneq*** **22.00 – 00.00** ***Nipilersortulerluni qitik*** (scene tamanut ammasoq) ## Ittoqqortoormiit ### Program **08.00 Ammaanermi erfalasumik amusineq oqalugiarnerlu** Kommunip allaffiata eqqaaneq Erfalasorput amuneqassaaq, kommunalbestyrelsimilu ilaasortaq Ken Madsen oqalugiassalluni. Qallersukkanik ullaakkorsioqatigiinneq, kaffe thelu. **09.00 Naalagiaqatigiinneq** Naalagiaqatigiittoqassaaq, kingornalu Ejnar Mikkelsenip eqqaassutissaa kransiliiartortoqassalluni. **11.00 Puiseqqaanniuunneq** Puisimik pisaqaqqaanniuunneq talittarfimmiit aallartinneqassaaq, ajugaasunut pinnatassaqarumaarpoq. **12.00 Arpanneq** 2 kilometerinik takissusilimmik arpaqatigiinneq, meeqqat inersimasullu peqataasinnaapput. **14.00 Nereqatigiinneq** Minihaalimi katerisimaaneq/nereqatigiinneq - Kommunabestyrelsimi ilaasortaq Ken Madsen tikilluaqqusissaaq - Kaaliminernik igaanik nereqatigiinneq, meeqqanut pølsit drinkillu, kaffi, the kaagillu - Kalattoortatut takutitsissapput - Dines Piké tivalluni takutitsissaaq - Nipilersortartut Kristian & Juulut appissapput - Paarsisumi angajulliit erinarsussapput **16.00 Isikkamik arsaanneq** Arsaattarfimmi arsartoqalerpat arnat siulliullutik unammissapput, unammineq minutsinik 25-nik sivisussuseqassaaq. Unamminerup aappaa 16.30 angutinit ingerlanneqassaaq, taakku minutsinik 30-nik sivisussuseqartumik unammissapput. **18.00 Aalisarluni pisaqaqqaanniuunneq (Qammavaaimmi)** 30 minutsit iluani aalisakkanik pisanik amerlaneqqusaalluni unammineq. Pisaqarnerpaat pingasut pinnatassaqarput. **19.00 Tamanut sammisassaqartitsineq** Meeqqanut inersimasunullu assigiinngitsunik sammisassaqartitsineq, qitinneq/kalattoorneq kiisalu unammisitsinerit **21.00 Qummoroortarneq** Minhaalip eqqaani qummoraartarnertalimmik naggasiineq, aniakaanermi meeqqanut sikuaqqanik agguaasoqassaaq.