--- title: "Siusinaartumik sulisinnaajunnaarnersiutisiat" date: "2026-05-15" created: "2026-05-15" --- [Saqqaa](https://sermersooq.gl/) [Innuttaasunut](https://sermersooq.gl/innuttaasunut) [Suliffeqarneq suliffissaarussimanerlu](https://sermersooq.gl/innuttaasunut/suliffeqarneq-suliffissaarussimanerlu) [Siusinaartumik sulisinnaajunnaarnersiutisiat](https://sermersooq.gl/innuttaasunut/suliffeqarneq-suliffissaarussimanerlu/siusinaartumik-sulisinnaajunnaarnersiutisiat) # Siusinaartumik sulisinnaajunnaarnersiutisiat Quppernermi uani siusinaartumik pensioneqalerneq – Uani ilaapput akigititat, sulisinnaanerup nalilersuiffiginera ilaalu ilanngullugit, aamma qinnuteqarnerup ingerlasarnera atuarsinnaavatit. ## Kommuneqarfik Sermersuumi soraarnerussutisianut qanoq annertutigisumik pissarsisinnaanerlutit naatsorsoruk [Soraarnerusutisianut naatsorsuut](https://sepension.kaqa.sullissivik.gl/default.aspx?sprog=G) ### **Nalinginnaasumik paasissutissiineq** Siusinaartumik sulisinnaajunnaarnersiutisiat ikiorsiissutaapput sulisinnaassuseqarnerit ataavartussamik annikillisimappat qinnuteqaatigisinnaasatit. Ulloq 1. juli 2016 siusinaartumik sulisinnaajunnaarnersiutisianut inatsit nutaaq atuutilerpoq. Siusinaartumik sulisinnaajunnaarnersiutisiaqareeruit maleruagassanik nutaanik eqqorneqassaatit. Maleruagassat nutaat ilaatigut siusinaartumik sulisinnaajunnaarnersiutisiaqalernissamut akuersisarnermut piumasaqaatinut nutaanut aammalu sulisinnaajunnaarnersiutisianut annertussusiliussanik nutaanut tunngassuteqarpoq. Tamatuma saniatigut 1. januar 2018 aallarnerfigalugu siusinaartumik sulisinnaajunnaarnersiutisiat qaffasinnerpaat annikillisikkiartuaarneqartarnerannut maleruagassat allannguutaat atuutsinneqalerput. ### **Sulisinnaassusermik nalilersuineq** Siusinaartumik pensionisiaqalersimaguit 60-illu inorlugit ukioqarlutit ukiut tallimat ingerlaneranni suli siusinaartumik pensionisiaqarsinnaanerlutit sulisinnaassutsit nalilersorneqaqqittassaaq (nalilersueqqinneq). Sulisinnaassutsimik nalilersuisoqartinnagu siusinaartumik pensionisiaqarunnaarsitaasinaanngilatit. Siusinaartumik pensioneqalernissamut akuersissuteqarnermi qaqugukkut nalilersueqqittoqartarnissaa aalajangiunneqarpoq. Tamanna pisarsinnaavoq ukioq ataaseq, marluk, pingasut, sisamat imaluunniit tallimat qaangiukkaangata. Sulisinnaassuseqarnernut nalilersuineq nutaaq siusinaartumik sulisinnaajunnaarnersiutisianik suli pisinnaatitaanersutit, aammalu pensionisiat qanoq annertussusillit pisinnaaneritit aalajangiisuussaaq. ### **Sulisinnaassuseqarneq** Sulisinnaassuseqarneq isumaqarpoq qanoq annertutigisumik sulisinnaanersutit nalilersorneqassasoq. Tamanna isumaqarpoq sulisinnaassuseqarnerit qaffasinnerutillugu, siusinaartumik sulisinnaajunnaarnersiutisiat pisinnaasatit annikinnerussapput. Pissutigalugu annertunerusumik sulisinnaassagavit. Sulisinnaassuseqarnerit annikitsutut nalilerneqarpat, qaffasinnerpaamik imaluunniit akunnattumik siusinaartumik sulisinnaajunnaarnersiutisianut annertussusiliussaq pisinnaassavat – takukkit matuma kingulianiittut. Sulisinnaassuseqarnerit qaffasittutut nalilerneqarpat, siusinaartumik sulisinnaajunnaarnersiutisiaqartinneqassanngilatit imaluunniit annikinnerpaamik siusinaartumik sulisinnaajunnaarnersiutisiaqartinneqalissallutit – takukkit matuma kingulianiittut. Sulisinnaassuseqarneq procentinngorlugu naatsorsorneqassaaq (100 % = sulisinnaassuseqarneq tamakkiisoq). Sulisinnaassuseqarnerit procentinngorlugu nalilerneqarpat: • 0-25 %-iusoq, qaffasinnerpaamik siusinaartumik sulisinnaajunnaarnersiutisiaqalissaatit • 26-50 %-iusoq, akunnattumik siusinaartumik sulisinnaajunnaarnersiutisiaqalissaatit • 51-75 %-iusoq annikinnerpaamik siusinaartumik sulisinnaajunnaarnersiutisiaqalissaatit • 76-100 %-iusoq innuttaasoq siusinaartumik sulisinnaajunnaarnersiutisiaqalissanngilaq Sulisinnaassuseqarneq qulaajaavigineqarnermi immaqalu piginnaanngorsarneqarnermi aalajangersarneqassaaq. Siusinaartumik sulisinnaajunnaarnersiutisiat kommunimi najukkanni aqunneqarput tunniunneqartarlutillu. Siusinaartumik sulisinnaajunnaarnersiutisiaqalersinnaanissannut: • Timikkut tarnikkulluunniit pissuteqartumik ataavartumik sulisinnaassuseqarnerit annikillisimassaaq • 18-it aamma 67-it akornanni ukioqassaatit • Kalaallit Nunaanni, Danmarkimi imaluunniit Savalimmiuni ukiuni pingasuni najugaqarsimassaatit • Kalaallit Nunaanni, nunani avannarlerni allani nunat arlaanni, imaluunniit nunami EØS-imi – Europami aningaasaqarnikkut suleqatigiiffiusunut isumaqatigiissummi – ilaasortaasumi aalajangersimasumik najugaqassaatit Tamatuma saniatigut: • danskisut innuttaasutut pisinnaatitaassaatit • Isumaginninnikkut Isumannaallisaaneq pillugu Nunani Avannarlerni isumaqatigiissummi pineqartunut ilaassaatit • imaluunniit pensionisianik qinnuteqaateqarnissaq sioqqutitsiarlugu minnerpaamik ukiuni 3-ini Kalaallit Nunaanni aalajangersimasumik najugaqarsimassallutit Tamatuma saniatigut sulisinnaassuseqarnerit nalilersortissimassavat. ### **Annertussusiliussat** **Sulisinnaajunnaarnersiutisiat annertussusaat** Siusinaartumik sulisinnaajunnaarnersiutisianut annertussusiliussat assigiinngitsut pingasuupput (1. januar 2025 aallarnerfigalugu siusinaartumik sulisinnaajunnaarnersiutisialinnut kisermaanut aamma katissimasunut / inooqatilinnut). • Annertussusiliussaq qaffasinnerpaaq ukiumut kr. 135.642 tikillugu • Annertussusiliussaq akunnattoq ukiumut kr. 90.428 tikillugu • Annertussusiliussaq minnerpaaq ukiumut kr. 67.821 tikillugu Annertussusiliussaq qaffasinnerpaaq, akunnattoq imaluunniit minnerpaaq tunniunneqassanersoq sulisinnaassuseqarnerpit nalilerneqarnera aalajangiisuussaaq. Tamatuma saniatigut tapit arlallit tunniunneqarsinnaapput. Tapit pillugit paasissutissanik annertunerusunik piniaruit, aammalu taakkuninnga pisinnaatitaanerlutit paasiniarlugu kommune najukkat attaveqarfigisinnaavat. Illit aappaqaruillu aapparisavit ukiumut maannakkut isertitassi ataatsimoortut aningaasartaasa aalajangersimasut qaangersimappagit, siusinaartumik sulisinnaajunnaarnersiutisianut annikillisinneqassapput, tassani ilaanatik pisortanit pensionisiat aamma Isumaginninnermi Isumannaallisaaneq pillugu Nunani avannarlerni isumaqatigiissut malillugu pensionisiat. Malugiuk 1. januar 2018 aallarnerfigalugu qaffasinnerpaamik siusinaartumik sulisinnaajunnaarnersiutisianut maleruagassat allanngortinneqarput, taamaalilluni pensionisiat aningaasartaasa ilaannut, aapparisap maannakkut isertitai apeqqutaatinneqarunnaarlutik. [Maannakkut aningaasarsiat pillugit annertunerusumik uani paasisaqarnerugit](https://kaqa.gl/kl/Anvendelse/Brugervejledning/Skat/Aktuel-indkomst) Siusinaartumik sulisinnaajunnaarnersiutisianik qaffasinnerpaamik, akunnattumik imaluunniit minnerpaamik tigusaqartarneq apeqqutaalluni ilanngaasiinissamut killiliussat assigiinngillat. ### **Qinnuteqarneq** Siusinaartumik sulisinnaajunnaarnersiutisiaqalernissamik qinnuteqarnissaq kissaatigigukku, kommune najukkat attaveqarfigissavat. ### **Maalaarneq** Kommunip aalajangiinera Isumaginninnermi Naammagittaalliuuteqartarfimmut maalaarutigisinnaavat. [Isumaginninnermi Naammagittaalliuteqartarfimmut imatut maalaaruteqassaatit](http://www.sullissivik.gl/Emner/B_Sociale_forhold/Klag_til_Det_Sociale_Ankenaevn) http://www.sullissivik.gl/Emner/B_Sociale_forhold/Fortidspension/Foertidspension_nyt-design[Siusinaartumik pensionisiaqarnermut ataatsimiitsitaliaanut maalaaruteqarit](https://www.sullissivik.gl/Forms/AUA_Klageskema-til-foertidspension?sc_lang=kl-GL) Kommunip sulisinnaassuseqarnernut nalilersuinera (sulisinnaassuseqarnermut procentiliussaq) maalaarutiginiarukku, Siusinaartumik sulisinnaajunnaarnersiutisianut naammagittaalliuuteqartarfimmut maalaaruteqarsinnaavutit. ### **Kommunerisannut immikkut ittoq** - **Kommuneqarfik Sermersooq** Siusinaartumik sulisinnaajunnaarnersiutisiatit pillugit apeqqutissaqarpit? Imaluunniit qinnuteqaatit qarasaasiakkut nassiukkusuppiuk? Taava uunga allassaatit [siunnersusiut@sermersooq.gl](mailto:si@sermersooq.gl). * * * ### **Najugarisanni isumaginninnermi immikkoortortaq attavigiuk:** AUTOMATISK INDSAT TABEL BESKRIVELSE| Illoqarfik / Nunaqarfik: | E-mail: | Nittartakkami qupperneq: | | --- | --- | --- | | Nuuk, Kapisillit, Qeqertarsuatsiaat | siunnersuisut@sermersooq.gl | [Siunnersuisut – Kommuneqarfik Sermersooq](https://sermersooq.gl/kl/department/siunnersuisut/) | | Paamiut, Ivittuut, Arsuk | Paamiut-myndighed@sermersooq.gl | [Oqartussaatitaanermik Immikkoortoq Paamiut – Kommuneqarfik Sermersooq](https://sermersooq.gl/kl/department/oqartussaatitaanermik-immikkoortoq-paamiut/) | | Tasiilaq, Sermiligaaq, Kuummiut, Tiniteqilaaq, Isortoq Kulusuk | Tasiilaq-myndighed@sermersooq.gl | [Oqartussaatitaanermik Immikkoortoq Tasiilaq – Kommuneqarfik Sermersooq](https://sermersooq.gl/kl/department/oqartussaatitaanermik-immikkoortoq-tasiilaq/) | | Ittoqqortoormiit | Itt-myndighed@sermersooq.gl | [Oqartussaatitaanermik Immikkoortoq Ittoqqortoormiit – Kommuneqarfik Sermersooq](https://sermersooq.gl/kl/department/oqartussaatitaanermik-immikkoortoq-ittoqqortoormiit/) | ## Attaviguk: Siunnersuisut Kommuneqarfik Sermersooq Rådgiverne Kuussuaq 2 3900 Nuuk ### Sianerit [+299 36 70 00](tel:+299%2036%2070%2000) ### Uagutsinnut allagit [E-mail](mailto:siunnersuisut@sermersooq.gl)