--- title: "AMA-mi pikkorissarnerit" date: "2026-05-19" created: "2026-05-19" --- [Saqqaa](https://sermersooq.gl/) [Innuttaasunut](https://sermersooq.gl/innuttaasunut) [Suliffeqarneq suliffissaarussimanerlu](https://sermersooq.gl/innuttaasunut/suliffeqarneq-suliffissaarussimanerlu) [Pikkorissarnerit sungiusarnerillu](https://sermersooq.gl/innuttaasunut/suliffeqarneq-suliffissaarussimanerlu/pikkorissarnerit-sungiusarnerillu) [AMA-mi pikkorissarnerit](https://sermersooq.gl/innuttaasunut/suliffeqarneq-suliffissaarussimanerlu/pikkorissarnerit-sungiusarnerillu/ama-mi-pikkorissarnerit) # AMA-mi pikkorissarnerit Quppernermi uani AMA-pikkorissarnerit, sunillu imaqarnersut, suullu piumasaqaataasut ilaalu ilanngullugit atuarnerusinnaavat. Inuussutissarsiutit ilaat piorsaaffiullutillu annertusaaffiusut allat ingerlariaqqiffiunatillu appariartorfiupput. Suliffeqarneq allanngoriartorfiujuartoq naleqqussaaffigiumallugu pisariaqarsinnaasarpoq ilinniagaqaqqittoqartarnissaa. AMA ilinnut neqerooruteqarfiuvoq ilinniagaqaqqikkumaguit. AMA tapiissuteqarnermik aaqqissuussineruvoq suliffeqarnermut akitsuut aqqutigalugu aningaasalersorneqartoq. AMA aqqutigalugu inuussutissarsiutinut pikkorissartitsisarnernut ilinniagaqaqqinnissamullu pikkorissartitsisarnernut tapiissuteqartoqartarpoq. Aaqqissuussineq pineqartoq aqqutigalugu illit sulisitsisut imaluunniit kommune inuussutissarsiutinut ilinniartitaanermik pikkorissartitsinernut atatillugu, angalanissanut aningaasaliissutinik qinnuteqarsinnaapput. Imaappoq suliffeqarnermi pisinnaasassat piginnaasassallu noqqaassutigineqartut ingerlaavartumik pissarsiarisinnaavatit. AMA-mi pikkorissarnerit misilitsinnermik naggaserneqarajuttarput. AMA-mi pikkorissarnerit naammassereerukku pikkorissarsimaninnik uppernarsaat pissarsiarissavat, taannalu assersuutigalugu atorsinnaassavat nutaamik suliffissarsiorninni. #### Siunnerfiusut Siunnerfiusut tassaapput suliamik ilinniagaqarsimanngitsut, suliamik ilinniagaqarsimasut, inuit suliffillit aamma suliffissaaleqisut. AMA-mi pikkorissartitsisarnerit Qitiusumik Ilinniarfinnit neqeroorutigineqartarlutillu taakkunani ingerlanneqartarput. Sivikinnerpaamik ullunik sisamanik sivisussuseqartarput sapaatillu-akunneranik ataatsimit sisamat tikillugit sivisussuseqartarlutik. AMA-mi ilaatigut makku iluanni pikkorissartitsinernik neqerooruteqartoqartarpoq: - Sanaartorneq - Aatsitassarsiorneq - Saviminilerineq - Niuertarfiit - Takornariaqarneq - Aalisakkanik suliffissuit - Oqaatsit - Nerisassat aamma akunnittarfiit/neriniartarfiit - Isumaginninnerup iluani perorsaanermut tunngasut - Peqqinnissaq #### Akuerineqarnissamut piumasaqaataasut piumasaqaataasullu allat AMA-mi pikkorissartitsinernut qinnuteqarsinnaanissannut piumasaqaataavoq 18-inik ukioqalereersimanissaq. Tamatuma sanitigut pikkorissartitsinernut ataasiakkaanut pineqartunut suliatigut piumasaqaataasut naammassisimassavatit. AMA-mi pikkorissaqataaniaruit takkuttarnissamut pisussaaffeqarputit. #### Aningaasaqarneq **Angalanermi aningaasartuutit** AMA-mi pikkorissariartorlutit illoqarfimmut allamut angalassaguit angalanerit, najugaqarnerit, najugaqarninnilu nerisaqartinneqarnerit sulisitsisuit imaluunniit kommunip akilissavai. Tamatuma kingorna sulisitsisut imaluunniit kommune aningaasartuutigisimasat AMA-mi aningaasaatit aqqutigalugit utertissutigineqarnissaat pillugu qinnuteqarsinnaapput. [Pikkorissarnermut tapiissummik (AMA-p iluani) qinnuteqarnissamut immersuiffissaq aajuk](http://www.sullissivik.gl//-/media/sullissivik/blanketter-og-pdf/arbejde/kurser/ansgning-om-tilskud-til-ama-kurser.pdf?la=kl-gl) **Pikkorissarnermut aningaasartuutit** Pikkorissartitsinermut aamma akiliuteqartoqartussaavoq. Pikkorissarnermut akiliutit pikkorissarnermit pikkorissarnermut assigiinneq ajorput. Kiap akilissaneraa apeqqutaassaaq suliffeqarnersutit imaluunniit suliffissaaleqisuunersutit: - Suliffeqaruit sulisitsisut taannaavoq akiliuteqartussaq - Suliffissaaleqisuuguit pikkorissartitsinissamut akiliutissaq kommunip akilissavaa **Pikkorissarnerup nalaani isertitat** Suliffeqaruit nalinginnaasumik aningaasarsiatit pikkorissarnerup nalaani isertitarisassavatit. Sulisitsisut pikkorissarninnit taartisianik pissarsisinnaassanngilaq, taamaattumik AMA-mi pikkorissaqataalersinnak sulisitsisut akuersiteqqaarsimassavat. Suliffissaaleqisuuguit suliffeqanngikkallarnermi ikiorsiissutit imaluunniit pisortanit ikiorsiissutit pisartagarissavatit. #### Qinnuteqarneq Suliffeqareeruit sulisitsisut taannaavoq taakku ilaannut nalunaarutiginnittussaq. AMA-mi pikkorissartitsinermi peqataanissat soqutigigukku sulisitsisut saaffigissavat. Sulisitsisut taannaammat pikkorissartitsinermut akiliutissamik pikkorissarnerullu nalaani aningaasarsiannik akiliillunilu matussusiisussaq, taannaavoq akuerseqqaartussaq AMA-mi pikkorissarnissannik aallartitsinnak. Suliffissaaleqisuuguit suliffissarsiuussisarfimmut nalunaaruteqassaatit. Sulisitsisuit imaluunniit suliffissarsiuussisarfiup peqataanissat pillugu arlaat nalunaarutiginnikkaluarpalluunniit qinnuteqarnissamut immersuiffissaq peqatigiillusi immersortussaavarsi. Qinnuteqarnissamut immersuiffissaq najukkami suliffissarsiuussisarfimmi pissarsiarisinnaavarsi imaluunniit Qitiusumik Ilinniarfiit pikkorissartitsinissat pillugit nalunaarsuiffissiaasigut, ilinniarfiit nittartagaasigut pissarsiarineqarsinnaasut. Pikkorissartitsinissat pillugit nalunaarsuiffissiani aamma paasissutissaapput pineqartumut akuerineqarnissamut suliatigut piumasaqaatit pikkorissartitsinissanullu ataasiakkaanut pineqartunut qinnuteqareersimanissamut piffissaliussat. #### Qinnuteqarnissamut killiliussat Qinnuteqaat pikkorissarnissap aallartinnissaanut ullut 14-it sioqqullugit nassiunneqareersimassaaq. ## Kontakt din lokale Majoriaq eller lokale filialkontor ## Attaviguk ### Majoriaq Nuuk Kommuneqarfik Sermersooq Majoriaq Nuuk Jens Kreutzmann-ip Aqqutaa 7 3900 Nuuk ### Sianerit [+299 36 80 70](tel:+299%2036%2080%2070) ### Uagutsinnut allagit [E-mail](mailto:majoriaqnuuk@sermersooq.gl) ### Eqqaamassatut allagaq Akiligassanut GLN-normu: 5790002 293122 ### Piorsaavik Nuuk Email: piorsaavik@sermersooq.gl Telefonnummer: +299 36 80 62 Kommuneqarfik Sermersooq Piorsaavik Nuuk Industrivej 2B 3900 Nuuk ## Attaviguk ### Majoriaq Paamiut Kommuneqarfik Sermersooq Majoriaq Paamiut Sivinganeq 8 B-890 3940 Paamiut ### Sianerit [+299 36 66 00](tel:+299%2036%2066%2000) ### Uagutsinnut allagit [E-mail](mailto:majoriaq-paamiutadm@sermersooq.gl) ### Eqqaamassatut allagaq Akiligassanut GLN-normu: 5790002 293122 ## Kontakt information ### Majoriaq Tasiilaq Kommuneqarfik Sermersooq Majoriaq Tasiilaq Ujuaap Aqqulaa B-184 3913 Tasiilaq ### Sianerit [+299 36 78 35](tel:+299%2036%2078%2035) ### Uagutsinnut allagit [E-mail](mailto:majoriaq-tasiilaqadm@sermersooq.gl) ### Eqqaamassatut allagaq GLN-nr. til fakturering: 5790002293115 ## Attaviguk ### Majoriaq Ittoqqortoomiit Kommuneqarfik Sermersooq Majoriaq Ittoqqortoomiit Ittoqqortoormiit 3980 Ittoqqortoormiit ### Sianerit [+299 58 79 34](tel:+299%2058%2079%2034) ### Uagutsinnut allagit [E-mail](mailto:majoriaq-ittoqqortoormiit@sermersooq.gl) ### Eqqaamassatut allagaq Akiligassanut GLN-normu: 5790002 293122