---
title: "MISI-FAQ"
date: "2026-08-09"
created: "2026-05-18"
---

[Saqqaa](https://sermersooq.gl/)

                    [Innuttaasunut](https://sermersooq.gl/innuttaasunut)

                    [Meeqqat, Inuusuttut Ilaqutariillu](https://sermersooq.gl/innuttaasunut/meeqqat-inuusuttut-ilaqutariillu)

                    [Siunnersuineq - Ineriartornermut, atukkatigut, ilikkagaqarnissamullu](https://sermersooq.gl/innuttaasunut/meeqqat-inuusuttut-ilaqutariillu/siunnersuineq-ineriartornermut-atukkatigut-ilikkagaqarnissamullu)

                [MISI-FAQ](https://sermersooq.gl/innuttaasunut/meeqqat-inuusuttut-ilaqutariillu/siunnersuineq-ineriartornermut-atukkatigut-ilikkagaqarnissamullu/misi-faq)

# MISI-FAQ

Ilaanneeriarluta nalaattarparput innuttaasut Misip suuneranik imaluunniit Misip susinnaaneranik nalornissuteqartunik. Tamatumunnga atatillugu apeqqutigineqarnerpaasartut ilaannik maana takussutissiivugut.

## Apeqqutigineqakkajuttartut:

###

                                    Apeqqut: “Meeqqat tarnip pissusaanik ilisimasalimmik Misimi oqaloqateqartarsinnaappat/ katsorsarneqarsinnaappat?

Akissut: Misimi tarnip pissusaanik ilisimasalittaasut ajornartorsiut misissortarpaat, aammalu saaffiginnittoq siunnersortarlugu, kisianni katsorsaanermik ingerlatsineq ajorput. Imaassinnaavoq misissuinermut atatillugu tarnip pissusaanik ilisimasallip ilaqutaasut oqaloqatiginissai pisariaqartikkaa, kisianni tamanna katsorsaanerunngilaq.

###

                                    Apeqqut: “Misip meeraq ADHD-qarnersoq misissorsinnaavaa?”

Akissut: Naamik. ADHD tarnikkut innarluutaavoq taamaallaallu suussusersineqarsinnaalluni tarnikkut nappaatit nakorsaannit Peqqinnissaqarfimmi meeqqanut inuusuttunullu sullissivittaani. Taamatullu ass. “autisme” assigisaallu. Illit (angajoqqaatut) meeqqavit ADHD-imik innarluuteqarnersoq paasinissaa kissaatigigukku, taava Peqqinnissaqarfimmut saaffiginnissaatit.

Akerlianilli qanoq iliorsinnaanerlutit paaserusukkukku, ass. meeqqannut eqqissisimanngitsorujussuarmut ulluinnaat qanoq ingerlassinnaaneritit, taava Misimut saaffiginnissinnaavutit.

###

                                    Apeqqut: “Tusarnikuuara meeqqat Misimi tarnip pissusaanik ilisimasalimmit misissorneqaqqaartassasut Peqqinnissaqarfiliaatinnginnerini. Ilumoorpa?

Akissut: Naamik, malittarisassaqanngilaq meeqqat Misimit misissorneqaqqaartassasut. Taamaattumillu Misimit meeraq misissortereersimanngikkaluarlugu peqqinnissaqarfimmut saaffiginnittoqarsinnaavoq.

###

                                    Apeqqut: “Kissaateqarsinnaanerlunga Misip (tarnip pissusaanik) misissuinermi meeraq misiliummik aalajangersimasumik misissussagaa?

Akissut: Naamik. Misimi aalajangersimasumik misiliummik inniminniisoqarsinnaanngilaq. Ajornartorsiut pillugu saaffiginnittoqarsinnaavoq, tamannalu Misip misissussavaa. Kisianni misissueriaatsimik toqqaaneq misiliummillu atuisoqassanersoq, Misimi ilinniagaqarsimaneq tunngavigalugu naliliivigineqartarpoq.

###

                                    Apeqqut: “Meeraqarpugut efterskolemi atuarusuttumik. Misi efterskolemut oqaaseqaammik suliaqarsinnaava?”

Akissut: Aap. Kisianni eqqumaffigissavat Misimit efterskolemi atuarnissamut oqaaseqaat efterskolet tamaqqissaamik pisariaqartinneq ajormassuk. Taamaallaat tamaaliortarpugut allaavigalutigu meeraq immikkut pisariaqartitsisuuppat, aammalu/imaluunniit efterskolemut immikkut ittumut qinnuteqarsimasuuppat.

Meeraq innarluutilittut nalunaarsugaasimappat, angajoqqaat Misimut saaffiginninnginnerminni isumaginninnermi meeqqap sullissisuanut saaffiginneqqaassapput.

###

                                    Apeqqut: “Tusarnikuuarput efterskolemut aalajangersimasumut qinnuteqannginnermi tarnip pissusaanut misiliummik aalajangersimasumik misissortissimasariaqarneq. Ilumoorpa?

Akissut: Naamik. Misi efterskolemut oqaaseqaammik suliaqassappat, taannalu immikkut efterskolemut qinnuteqarnissamut atorneqartussaappat, taava oqaaseqaammi meeqqap pisariaqartitai uppernarsaasersorneqasssapput. Kisianni Misip qanoq uppernarsaasersuinera apeqqutaalluinnarpoq ajornartorsiutit qanoq ittuunersut.

###

                                    Aperivoq: “Ilinniartuuvunga. Misi suliffittut sungiusarfigisinnaavara?”

Akissut: Aap, ilinniakkat suliassaqarfitsinnut attuumassuteqarpat ammavugut sungiusarluni ilinniarfiusinnaanitsinnut. Sunik suliaqartarsimanernik allattukkanik/CV qinnuteqaammillu nassinniartigut.

## Attaviguk: MISI

Kommuneqarfik Sermersooq  MISI  Imaneq 20  3900 Nuuk

### Sianerit

[+299 36 63 30](tel:+299%2036%2063%2030)

### Uagutsinnut allagit

[E-mail](mailto:MISI@sermersooq.gl)

### Eqqaamassatut allagaq

                            Akiligassanut GLN-normu: 5790002293481

[MISI-FAQ](https://sermersooq.gl/MOLIRIPAGE/438edae0-369b-4f80-86b7-ac4fe207694a "MISI-FAQ")

[Pædagogisk-psykologisk rådgivning/MISI](https://sermersooq.gl/MOLIRIPAGE/721f2508-b1e4-4ec4-bb38-ba7614cf108e "Pædagogisk-psykologisk rådgivning/MISI")