---
title: "Meeraq sumiginnarneqarsimatillugu ima nalunaaruteqassaatit"
date: "2026-08-04"
created: "2026-08-04"
---

[Hjem](https://sermersooq.gl/)

                    [Innuttaasunut](https://sermersooq.gl/innuttaasunut)

                    [Meeqqat, Inuusuttut Ilaqutariillu](https://sermersooq.gl/innuttaasunut/meeqqat-inuusuttut-ilaqutariillu)

                    [Nalunaarutiginnigit](https://sermersooq.gl/innuttaasunut/meeqqat-inuusuttut-ilaqutariillu/nalunaarutiginnigit)

                [Meeraq sumiginnarneqarsimatillugu ima nalunaaruteqassaatit](https://sermersooq.gl/innuttaasunut/meeqqat-inuusuttut-ilaqutariillu/nalunaarutiginnigit/meeraq-sumiginnarneqarsimatillugu-ima-nalunaaruteqassaatit-4)

# Meeraq sumiginnarneqarsimatillugu ima nalunaaruteqassaatit

Quppernermi uani meeqqanik sumiginnaasoqarneranut atatillugu nalunaarutiginninneq pillugu atuarnerusinnaavutit. Ilaatigut paasissutissat, qaqugukkut nalunaarutiginninnissaq, nalunaarutiginninnerup siunertaa, qanorlu nalunaarutiginnissanersutit pillugit.

## Nalunaaruteqarnerit

Nalunaaruteqarneq tassaavoq innuttaasumit pisortaniluunniit sulisumit, meeqqamik inuusuttumilluunniit 18-it ataallugit ukiulimmik atugarliortutut pasisaqarluni saaffiginninnera.

Saaffiginnissutit meeqqat inuusuttulluunniit ernumanartumik pissusilersuuteqarneranik, pissutissaqaratik atuanngitsoortarnerannik paarinerlunneqarsimanerannilluunniit imaqarsinnaapput.

Meeqqanik inuusuttunilluunniik sumiginnakkanik, nakuuserfigineqarsimanerannik allatigulluunniit atornerlunneqarsimanerannik (timikkut, tarnikkut kinguaassiutitigulluunniit).

Innuttaasut (inunnut ataasiakkaat) Kommuneqarfik Sermersuumut qanoq saaffiginnittassanersut aalajangersimanngilaq. Allakkatiguusinnaavoq, oqarasuaatikkuusinnaavoq namminerluunniit ornigulluni saaffiginninnikkut.

Pisortani sulisut pisussaatitaapput allakkatigut nalunaaruteqarnissaminnik.

Illit meeqqap inuusuttulluunniit inuuneranik, peqqissusaanik ineriartornerataluunniit navianartorsiorsinnaaneranik ernumagisaqaruit Kommuneqarfik Sermersooq nalunaarfigissavat.

Pisortani sulisut pasittaassaqarunik meeraq inuusuttorluunniit immikkut ittumik tapersersortariaqartoq, tamanna kommunimut nalunaarutigissuaat.

#### **Qaqugukkut nalunaaruteqartoqassava**?

Assersuutigalugu manna ilisimagukku ernumassuteqarsinnaavutit:

Ilisimagukku meeraq inuusuttorluunniit 18-it ataallugit ukiulik isumaqarfigisat ilisimasalluunniit meeqqap inuusuttulluunniit pissutsini peqqissusianik ineriartorneranillu navianartorsiortitsisumik inuusoq kommunimut nalunaaruteqartussaatitaavutit.

Oqarasuaatikkut, mailikkut namminerluunniit takkunnikkut Kommuneqarfik Sermersuumut nalunaaruteqarsinnaavutit.

Meeraq inuusuttorluunniit pillugu nalunaaruteqaruit sapinngisamik tamakkiisuunissaa pingaaruteqarpoq. Nalunaaruteqarneq sapinngisamik pissusivinnik takusanillu aalajangersimasunik tunngaveqassaaq (takusatit, tusakkatit il.il.)

Nalunaaruteqaruit kinaassusersiornak pisup isummerfiginissaa. Pissusiviit oqaluttuarikkit aamma tusakkatit takusatilluunniit isumalersornaveersaakkit.

Eqqarsarluaqqaarluni tamatigut nalunaaruteqartoqartariaqarpoq, kisiannili meeqqap inuusuttullu inuunera, atugarisai siunissaalu pineqartillugit nalornissuteqarnermi meeraq inuusuttorlu tamatigut eqqarsaatigineqassapput.

#### **Nalunaaruteqarnermi siunertaq:**

Meeqqap inuusuttulluunniit ilaqutaasullu sukkasuumik ikiorneqarnissamik neqeroorfiginissaasa qulakkeernissaanut tapersiissaaq.

Pissusivinnut uppernarsaataasinnaavoq.

Suliassamik suliaqarnermi atortuuvoq.

## Attaviguk: Meeqqanut Ilaqutariinnullu Ingerlatsivik

Kommuneqarfik Sermersooq  Børn og Familie  Kuussuaq 2  3900 Nuuk

### Ring til os

[+299 36 70 00](tel:+299%2036%2070%2000)

### Skriv til os

[E-mail](mailto:kommuneqarfik@sermersooq.gl)

### Bemærk

                            Akiligassanut GLN-normu: 5790002 293382