---
title: "Qaqugukkut atualertoqarsinnaava?"
date: "2026-08-09"
created: "2026-06-08"
---

[Hjem](https://sermersooq.gl/)

                    [Innuttaasunut](https://sermersooq.gl/innuttaasunut)

                    [Meeqqanik paarsineq aamma ilinniagaqarneq](https://sermersooq.gl/innuttaasunut/meeqqanik-paarsineq-aamma-ilinniagaqarneq)

                    [Atuarfeqarneq](https://sermersooq.gl/innuttaasunut/meeqqanik-paarsineq-aamma-ilinniagaqarneq/atuarfeqarneq)

                [Qaqugukkut atualertoqarsinnaava?](https://sermersooq.gl/innuttaasunut/meeqqanik-paarsineq-aamma-ilinniagaqarneq/atuarfeqarneq/qaqugukkut-atualertoqarsinnaava)

# Qaqugukkut atualertoqarsinnaava?

*Meeraq atualissaaq ukiup atuarfiusup allartinnerani ukiumi meeqqap 6-nik ukioqalerfiani.*

*Assersuut; Meeraq februarimi 6-nik ukioqalerpat, taava augustusimi qaammatimi ukiup atuarfiusup aallartiffiani atualissaaq.*

*Meeraq siusinnerusukkut atuarnermik aallartitsinnaanngilaq.*

*Inatsisartut inatsisaat aammalu oqaaseqaat takuuk**.***

***§32,imm 1. Atuarfik pillugu Inatsisartut inatsisaat nr 15, 3 decemberip 2012-meersoq***

*Allatsinneq atualernerlu*

  **§ 32.**  Atuarfimmi atualerneq pissaaq ukiup atuarfiusup aallartinnerani ukiumi meeqqap 6-inik ukioqalerfiani, taamaattorli tak. § 31, imm. 2.

  *Imm. 2.*  Kommunalbestyrelsip aalajangersinnaavaa atualernissamut allatsinneq piffissaliussap aalajangersimasup iluani pissasoq. Taamaakkaluartoq allatsinneq kingusinnerpaamik juunip aallaqqaataani pisimassaaq.

  *Imm. 3.*  Atualersussat allatsinnerat aamma atuarunnaarneq pillugit maleruagassanik Naalak-kersuisut aalajangersaasinnaapput

***Inatsimmut oqaaseqaat; §32,imm 1. Atuarfik pillugu Inatsisartut inatsisaat nr 15, 3 decemberip 2012-meersoq (qup 51)***

*§ 32-mut*

Aalajangersagaq Inatsisartut peqqussutaanni atuuttumi § 20-mik ingerlatitseqqiineruvoq, pin-eqarlutillu meeqqat atuarfiannut allatsinneq atuartunngortinneqarnerlu.

Imm. 1-imut

Aalajangersakkami allaqqavoq meeqqat qaqugukkut meeqqat atuarfianni atuartunngortin-neqassanersut, tamannalu meeqqat ukioqassusiat aallaavigalugu aalajangerneqartarpoq. Meeraq assersuutigalugu februarip qaammatani arfinilinnik ukioqalersoq qaammatisiutit malillugit ukiumi tassani augustip qaammataani ukiup atorfiusup aallartinnerani meeqqat atuarfianni atuartunngortinneqassaaq.

§ 31, imm. 2-mut innersuussinermut pissutaavoq meeqqat atuarnermik aallartinnissaat pisut ilaanni ukiumik ataatsimik kinguartinneqarsinnaasut. Tassunga atatillugu § 31, imm. 2-mut oqaaseqaatit innersuussutigineqarput. Akerlianik siusinnerusukkut atuarnermik aallartitsisoqarsinnaanngilaq.

[ltl 15 2012 (nalunaarutit.gl)](https://nalunaarutit.gl/Groenlandsk-lovgivning/2012/ltl-15-2012?sc_lang=kl-GL)

## Attaviguk: Meeqqanut Atuarfeqarnermullu Ingerlatsivik

Kommuneqarfik Sermersooq  Meeqqanut Atuarfeqarnermullu Ingerlatsivik  Imaneq 23 B  3900 Nuuk

### Ring til os

[+299 36 80 00](tel:+299%2036%2080%2000)

### Skriv til os

[E-mail](mailto:atua@sermersooq.gl)

### Bemærk

                            Ingerlatsivimmut pineqartumut GLN atorlugu akiligassamik nassiussineq periarfissaanngilaq