---
title: "Najugaqarnermut uppernarsaat aajuk"
date: "2026-11-11"
created: "2026-11-11"
---

[Hjem](https://sermersooq.gl/)

                    [Innuttaasunut](https://sermersooq.gl/innuttaasunut)

                    [Ineqarneq sanaartornerlu](https://sermersooq.gl/innuttaasunut/ineqarneq-sanaartornerlu)

                    [Ineqarnermut qinnuteqaat aamma uppernarsaatit](https://sermersooq.gl/innuttaasunut/ineqarneq-sanaartornerlu/ineqarnermut-qinnuteqaat-aamma-uppernarsaatit)

                [Najugaqarnermut uppernarsaat aajuk](https://sermersooq.gl/innuttaasunut/ineqarneq-sanaartornerlu/ineqarnermut-qinnuteqaat-aamma-uppernarsaatit/najugaqarnermut-uppernarsaat-aajuk)

# Najugaqarnermut uppernarsaat aajuk

Quppernermi uani qanoq ilillutit najugaqarnermut uppernarsaatit aasinnaagit atuarsinnaavat. Qarasaasiakkut aasinnaavat imaluunniit nammineerlutit ornigukkuit aasinnaavat.

**Akigititat**
Najugaqarnermut uppernarsaat attaveqaatitigut sullissivik.gl-ikkut toqqaannartumik nammineq anillatsillugu, imaluunniit Innuttaasunut Kiffartuussivimmut nammineq ornigulluni aallernermi akeqanngilaq.

**Nalinginnaasumik paasissutissiineq**
Najugaqarnermut uppernarsaat uppernarsaataavoq kinaassutsinnut sumilu najugaqarninnut uppernarsaatitut atugassat. Assersuutigalugu makkunani najugaqarnermut uppernarsaammik atorfissaqartitsissaatit:

- ilinniagaqarnissamut qinnuteqaruit (najugarisimasat uppernarsaataat)
- moms-imik utertitsissaguit
- Danmark-imut nuukkuit pisattatit tigulerukkit

Aamma najugaqarnermut uppernarsaat imatut atorsinnaavat:

- Nunatsinni nunanilu avannarlerni angalatillutit pas-itut
- peqqinnissaqarfiit Danmarkimi, Savalimmiuni, Sverigemi, Norgemi, Finlandimi Islandimiluunniit attaveqarfigissagaluarukkit, najugaqarnermut uppernarsaat sygesikring-imut uppernarsaatitut atuuttarpoq

Kikkulluunniit Nunatsinni najugallit najugaqarnermut uppernarsaammik pissarsisinnaapput.

**Najugarisimasat uppernarsaataat**
Ilinniagaqarnissannut qinnuteqaleruit najugarisimasat uppernarsaataat pisariaqartissavat. Uppernarsaatip takutissammagu inuunerit tamaat sumi najugaqarsimanersutit.

**Malugiuk**
Najugaqarnermut uppernarsaat taamaallaat Nunatsinni nunanilu avannarlerni atuuppoq.

Nunani EU-miittuni nunarsuullu sinnerani pissutsit allat atuunnerat eqqumaffigiuk.

### **Qinnuteqarneq**

Najugaqarnermut uppernarsaat periarfissat marluk atorlugit pissarsiarisinnaavat. Attaveqaatitigut sullissivik.gl-ikkut toqqaannartumik imaluunniit najukkanni innuttaasunik kiffartuussivimmut ornigullutit.

**MitID-qaruit**
MitID-qaruit sullissivik.gl-imit toqqaannartumik najugaqarnermut uppernarsaammik akeqanngitsumik anisitsisinnaavutit, ugguuna aajuk [Najugaqarnermut uppernarsaat](https://www.sullissivik.gl/Selvbetjening/Services/Kommunernes-services/Bopaelsattest?sc_lang=kl-GL). Pigisallu tammarsimagukku aamma nutaamik najugaqarnermut uppernarsaammik anisitseqqissinnaavutit.

sullissivik.gl aqqutigalugu najugaqarnermut uppernarsaammik anillatitsiniaruit najugaqatitillu ilaanngippata, pisarnertut najukkanni kommunip allaffianut inummit pisinnaatitsissummik nassarlutit saaffiginnissaatit pisarnertullu pissarsiaralugu.

**MitID-qanngikkuit**
MitID-mik peqanngikkuit najukkanni innuttaasunut sullissivimmut imaluunniit nunaqarfiup allaffianut ornigullutit saaffiginnissaatit. Inuttut normut taamaallaat eqqaamassavat. Ingerlaannartumik najugaqarnermut uppernarsaammik imaluunniit najugarisimasanut uppernarsaammik tunineqassaatit.

**Najugarisimasat uppernarsaataat**
Najugarisimasanut uppernarsaammik pisariaqartitsiguit (allattorsimaffiup paasissutissartai), assersuutigalugu ilinniagaqarnissannut qinnuteqassaguit [CPR – Det Centrale Personregister](https://registerindsigt.cpr.dk/registerindsigt/login/selectMethod?nosso=true) allattorsimaffiata paasissutissaataani aasinnaavat.

MitID pigisat atorlugu isiinnassaatit.

**Atuussinnaanera**
Najugaqarnermut uppernarsaat ukioq ataasikkuutaaginnarlugu atuuttarpoq allamulluunniit nuunnissavit tungaanut. Allamut nuussaguit najugaqarnermut uppernarsaammik nutaamik pissarsinissat isumagissavat.

**Uppernarsaammi kukkuneqarpat**
Najugaqarnermut uppernarsaammi kukkuneqarpat najukkanni innuttaasunut sullissivimmut imaluunniit nunaqarfiup allaffianut ornigullutit saaffiginnissaatit. Inuttut normut taamaallaat eqqaamassavat.