---
title: "Sanaartornissamut akuersissut"
description: "bridge-circle-check"
date: "2026-11-11"
created: "2026-11-11"
---

[Hjem](https://sermersooq.gl/)

                    [Innuttaasunut](https://sermersooq.gl/innuttaasunut)

                    [Ineqarneq sanaartornerlu](https://sermersooq.gl/innuttaasunut/ineqarneq-sanaartornerlu)

                    [Akuersissutit - Sanaartornissamut nunaminertanullu](https://sermersooq.gl/innuttaasunut/ineqarneq-sanaartornerlu/akuersissutit-sanaartornissamut-nunaminertanullu)

                [Sanaartornissamut akuersissut](https://sermersooq.gl/innuttaasunut/ineqarneq-sanaartornerlu/akuersissutit-sanaartornissamut-nunaminertanullu/sanaartornissamut-akuersissut)

# Sanaartornissamut akuersissut

Sanaartornissamut akuersissut pilluguataatsimut nassuiaat

Illulioqqikkusuppit, illut alliniarpiuk, immaqaluunniit illu pioreersoq ingitserniarukku taava sanaartulinnginninni akuersissutit assigiinngitsut peqqaassavatit.

Sanaartulinnginninni sanaartornissamut akuersissummik qinnuteqaqqaassaatit. Eqqumaffigiuk, ullormi nunaminertamik atugassinneqarnermiit sanaartornissamut akuersissummik qinnuteqarnissamut piffissarititaasoq ukiumik ataatsimik sivisussuseqarmat.

Sanaartornissamut akuersissut pissarsiarereerukku aatsaat sanaartulersinnaavutit.

**Sanaartorfissaq**
Sanaartornissamut akuersissummik qinnuteqalernermi eqqumaffigissavat piffissami killiligaasumi sanaartorfiup aaqqissuunneqqarnissaanut nunaminertamik sanaartorfissamik qinnuteqassagavit, sanaartornissamut atortussat, kranit kiisalu atortussat assigiingitsut sanaartorfimmut inissiffissaannut akuersissummik peqartussaagavit.  Isumannaallisaaneq illullu sanilerisat eqqarsaatigineqarnissaat pingaaruteqarpoq.

**Inaarsinermut nalunaarnerit atulersitsinerlu**
Sanaartorneq naammassippat sanaartukkap naammassinera Sanaartornermut Oqartussanut nalunaarutigineqassaaq, taakkuummata suliap naammassineranut akuersisussat. Akuerisaappat atulersinnaaneranut akuersissummik pissaatit. Atuilernissamut akuersissut inatsisillu atuuttut naapertorlugit sanaartortoqarsimaneranut naammassinninnermullu uppernarsaataavoq.

Atuilernissamut akuersissummik qinnuteqaat: [una tooruk](https://sermersooq.fra1.digitaloceanspaces.com/wp-content/uploads/2025/05/Vejledning-og-anmodning-om-ibrugtagningstilladelse.pdf)

**Inatsisinut allanut tunngasut**
Atuilernissamut akuersissut pissarsiariniaraanni piumasaqaataavoq, innaallagialersimaneranut imilersimaneranullu Nukissiorfimmiit akuersissummik tunniussinissaq imaluunniit nassiussinissaq kiisalu kuuffissuarmut attavilertinnerup kommunip Ingerlatsineq Avatangiisillu immikkoortortaqarfianit akuerineqarsimanissaa.  Atuilernissamut taakku uppernarsaatit pisariaqarput.

**Qinnuteqarnermi immersuiffissat**

Sananissamut, sanaartorfiup aaqqissuunneranut imal. Toqqammaviliornissamut akuersissummik qinnuteqarit: [una tooruk](https://sermersooq.fra1.digitaloceanspaces.com/wp-content/uploads/2025/05/Bygningsmyndighed-Ansoegning-om-byggetilladelse.pdf) (Toqqammaviliornissamik akuersissut sanaartornernut anginernut kisimi atuuppoq)

Sanaartorfiup aaqqissuunnissaanut qinnuteqaat: [una tooruk](https://sermersooq.fra1.digitaloceanspaces.com/wp-content/uploads/2023/11/03190151/Arealtildeling_ansoegning-1.pdf)

**Sulianik ingerlatsineq**Qinnuteqaatit sanaartornermi pilersaarutit malittarisassanut eqquutitsinersoq qulakkeerniarlugu kommunimi Sanaartornermut Oqartussaqarfiup suliarissavaa. Sanaartornermi malittarisassat tassaapput teknikkikkut piumasaqaatit, sanaartornermi eqqortumik oqorsaanermi, ikuallattoornissamut sillimaniarnermi, attassisinnaanermi il.il.

Sapaatit akunnerini marlunni suliarineqarnissaa naatsorsuutigineqassaaq.  Kommune akigititat atuuttut malillugit sulianik sullissinermi akitsuuteqartarpoq. Kommunip nittartagaani imaluunniit innuttaasunut sullissivimmi akigititat takuneqarsinnaapput.

–

**Naammagittaalliorneq**

Qinnuteqaatigisannut aalajangiussaq naammaginngikkukku naammagittaalliorsinnaatitaavutit. Naammagittaalliuutit Namminersorlutik Oqartussani suliarineqartarput. Naammagittaalliuutit allagaassaaq. Kommunip aalajangereernerata kingorna sapaatip akunneri sisamat qaangiutsinnagit naammagittaalliortoqarsinnaavoq.

Sanaartornermi malittarisassani tunngavigalugit aalajangikkat uunga naammagittaalliutigineqarsinnaapput:

Ineqarnermut Attaveqaqatigiinnermullu Naalakkersuisoqarfik

Postbox 909

3900 Nuuk

E-mail: box909@nanoq.gl

#### Inatsisit

- [Sanaartornermi malittarisassat 2006](http://inatsisit.gl/Lov?rid=%7bD9D87267-0C90-4A35-A2ED-44B4179E32C0%7d&sc_lang=kl-GL)
- [Sanaartorneq pillugu Inatsisartut inatsisaat nr. 13, 26. maj 2010-meersoq](http://inatsisit.gl/Lov?rid=%7b7FB4745C-6D16-4BE1-902B-8E9FF18F44C2%7d&sc_lang=kl-GL)

**–**

**Saaffissat**

- Nunaminertamik atugassinneqarnissamutqinnuteqarneq: [una tooruk](https://www.sullissivik.gl/Emner/Teknik_og_miljoe/Arealtildeling/Arealtildeling_Generelt_om?sc_lang=kl-GL&mupid=0)
- Assaanissamut qaartiterinissamullu akuersissut: [una tooruk](https://sermersooq.fra1.digitaloceanspaces.com/wp-content/uploads/2023/11/03182835/20180629_AnsA%C2%83A¸gning-til-opgravning-udsprA%C2%83A¦ngning_dk.pdf)

* * *

**Apeqqutit**
Qinnuteqaateqarnissannut immersuininni ikiorneqarnissat pisariaqartissagukku, najukkanni innuttaasunik kiffartuussivimmut imaluunniit nunaqarfimmi allaffimmut saaffiginnissinnaavutit.

## Attaviguk: Sanarfinermut Avatangiisinullu Ingerlatsivik

### Sanarfinermut Avatangiisinullu Ingerlatsivik

Kommuneqarfik Sermersooq  Sanarfinermut Avatangiisinullu Ingerlatsivik  Imaneq 23B  3900 Nuuk

sai@sermersooq.gl

### Ring til os

[+299 36 74 00](tel:+299%2036%2074%2000)

### Skriv til os

### Bemærk

                            Akiligassanut GLN-normu: 5790002423307