---
title: "Kuuffissuarnut kuuffinnulluunniit ajornartorsiutit"
description: "Kuuffissuarmit, kuutsitap utertarneranik, qarsutsinermik kuuttoqannginneranilluunniit ajornartorsiuteqaruit pisortat kuuffissuanni imaluunniit illit nammineq kuuffinnut ajornartorsiut atanersoq paaseqqaassavat."
date: "2026-10-23"
created: "2026-10-23"
---

[Hjem](https://sermersooq.gl/)

                    [Innuttaasunut](https://sermersooq.gl/innuttaasunut)

                    [Eqqakkat Avatangiiserlu](https://sermersooq.gl/innuttaasunut/eqqakkat-avatangiiserlu)

                [Kuuffissuarnut kuuffinnulluunniit ajornartorsiutit](https://sermersooq.gl/innuttaasunut/eqqakkat-avatangiiserlu/kuuffissuarnut-kuuffinnulluunniit-ajornartorsiutit)

# Kuuffissuarnut kuuffinnulluunniit ajornartorsiutit

Kuuffissuarmit, kuutsitap utertarneranik, qarsutsinermik kuuttoqannginneranilluunniit ajornartorsiuteqaruit pisortat kuuffissuanni imaluunniit illit nammineq kuuffinnut ajornartorsiut atanersoq paaseqqaassavat.

## Pisortat kuuffissui ajoquteqarnersut pillugit pasitsaassaqarneq

Ajornartorsiutaasoq pisortat kuuffissuininngaanneernersoq pasitsaassaqaruit kommune attavigissavat.

Kommunip matuma kingorna suliaq naliliiffigissavaa pisariaqarpallu suliaq ingerlateqqillugu.

## Illit nammineq kuuffinni ajornartorsiuteqarpat

Ajornartorsiut illit nammineq kuuffinniippat imaluunniit nunaminertami illit atuinnaatitaaffinniissappat, taava ajornartorsiut misissortissallugu aaqqitsissallugulu illit nammineq akisussaaffigissavat.

Illit nammineq kuuffissualerisumut akuerisamut entrepenørimulluunniit allamut attuumassuteqartumut saaffiginnissaatit suliallu suliarineranut atasunik aningaasartuutinik illit akiliissaatit.

## Suliakkiinermi pingaarutilik

Pisortat kuuffissuinut kommune sinnerlugu illit nammineerlutit suliakkiinissamut inniminniisinnaanngilatit.

Innuttaasut suliffeqarfiilluunniit pisortat kuuffissuinut tunngasunik namminneq suliassiissutaat pillugit suliarinninnermut akiligassat kommunip aallaaviatigut akuerineq ajorpai.

Tamanna aamma atuuppoq ajornartorsiut kingorna pisortat kuuffissuinik peqquteqartoq paasineqarpat.

Taamaattumik akornut pisortat kuuffissuaniissorissagaluarukku, suliamik aallartitsisoqannginnerani, kommunip pigaartuata oqarasuaataanut attaveqartuaannassaatit.

Suliat kommunimut siumungaaq akuersiteqqaarnagit inniminnikkat pillugit akiliutinik aallaaviatigut utertinneqarneq ajorput.

## Apeqqutissaqarpit?

Ajornartorsiut sumiinnersoq imaluunniit kiap aaqqiinissaq akisussaaffigissagaa nalornissutigigukku Sanarfinermut Avatangiisinullu Ingerlatsivimmut attaveqarnissannut tikilluaqqusaavutit.

Kommune nalinginnaasumik ammasarfiup iluani aallaaviatigut attavigineqartassaaq. Ammasarfiit maanna atuuttut uani LINKimi  takukkit

**Kommune ammanerata nalaani attavigiuk:**

- Sanarfinermut Avatangiisunullu Ingerlatsivik

    - Oqarasuaat: **36 74 00**
    - E-mail: [**sai@sermersooq.gl**](mailto:sai@sermersooq.gl) ****

**Ammasarfiit nalinginnaasut avataanni pilertortumik ajornartorsiuteqaruit pigaartumut oqarasuaammut attaveqarit:**

- Pigaartup oqarasuaataa

    - **Oqarasuaat: 56 25 91**

Ajornartorsiutit pilertortut tassaasinnaapput kuutsitap utertarnera, qarsutsineq imaluunniit pisortat kuuffissui ajoquteqarnersut pillugit pasitsaassaqarneq.