---
title: "Kuuffissuarnut attavilersinneq"
description: "Pisortat kuuffissuinut attavilersinneq alloriarnermiit alloriarnermut"
date: "2026-08-05"
created: "2026-05-15"
---

[Saqqaa](https://sermersooq.gl/)

                    [Innuttaasunut](https://sermersooq.gl/innuttaasunut)

                    [Eqqakkat Avatangiiserlu](https://sermersooq.gl/innuttaasunut/eqqakkat-avatangiiserlu)

                [Kuuffissuarnut attavilersinneq](https://sermersooq.gl/innuttaasunut/eqqakkat-avatangiiserlu/kuuffissuarnut-attavilersinneq)

# Kuuffissuarnut attavilersinneq

Kommuneqarfik Sermersuumi sumiiffinni arlalinni illup kuuffissuarnut attavilerneqarsinnaanera periarfissaavoq.

Kuuffissualerineq piffissami 1. maajimiit 1. oktobarip tungaanut ingerlanneqartassaaq. Kuuffissualerineq allartitsinnagu pingaaruteqarpoq illit sanaartortitsisutut akuersissutinik pisariaqartinneqartunik pissarsiniareersimanissat. Ruujorinik suliaqartut suliffeqarfiit VVS-it ilisimasanik tunniussuillutillu ilitsersuinermik aamma ingerlataqartarput.

Kuuffissuarnut attavilersinneq akisusinnaasarmat Kommuneqarfik Sermersuumit sanatitsisoq Siunnersuinermik immikkut  ilinniarsimasumit siunnersortissarsiornissaa innersuussutigineqarpoq.

**Pisortat kuuffissuinut attavilersinneq alloriarnermiit alloriarnermut**

Kuuffissuarnut attavilersinniaraanni, sanatitsisup taassumaluunniit entreprenøriata akuersissutit akuersissutillu allat attuumassuteqartut pissarsiareqqaassavai. Ataani skemamiittut tassaapput suliffeqarfiit oqartussaaffeqarfiillu assigiinngitsut akuersissutinik assigiinngitsunik aallerfigineqartussat.

Oqaatigineqassaaq, sanaartugassatut pilersaarutigineqartoq apeqqutaatillugu akuersissutit suut piniarneqarnissaat assigiinngissuteqarput, taakkulu kommunip Attaveqaatinut Avatangiisinullu immikkoortoqarfiata kuuffissuarnut attavilersinnissamik  akuersinnginnerani.

Kommunimit suut piumasaqaataanersut nalornigukku, akuerineqarnissaat pillugu, taava Kommuneqarfik Sermersooq attavigisinnaavat siunnersoqqullutit ilitsersoqqullutillu.

##

                                    Immikkoortoq 1: Kuuffimmut ruujorimut nunaminertamik atugassinneqarneq

**SUMIK QINNUTEQASSAGAVIT?**

Kuuffimmut ruujorimut nunaminertamik atugassinneqarneq

**SUMUT QINNUTEQASSAGAVIT?**

Kommuneqarfik Sermersooq – **Nunaminertanut oqartussat**

**AKUERSISSUMMIK TUNINEQASSAGUIT IMMIKKOORTOQARFIUP ILINNIT PISARIAQARTITAI SUUPPAT?**

Pissutsinut pilersaarut, illumiit kuuffiup tungaanut ikkuffimmik takutitsisoq.

**MALUGINIAQQUNEQARTUT**

Kuuffimmut ruujorimut nunaminertamik atugassinneqarnissaq uani qinnutigineqassaaq [(Link)](https://sermersooq.gl/kl/nunaminertamik-atugassiisarneq/)

##

                                    Immikkoortoq 2: Qaartiterisoqassappat qaartiterinermut akuersissut

**SUMIK QINNUTEQASSAGAVIT?**

Qaartiterisoqassappat qaartiterinermut akuersissut

- Entreprenørip qaartiterutinik pisinissaanut atuinissaanullu akuersissut.
- Qaartiterinermik aqutsisup qaartiterinermi aqutsisutut akuerineqarnera.

**SUMUT QINNUTEQASSAGAVIT?**

Namminersorlutik Oqartussat – Avatangiisinut Naalakkersuisoqarfik

**AKUERSISSUMMIK TUNINEQASSAGUIT IMMIKKOORTOQARFIUP ILINNIT PISARIAQARTITAI SUUPPAT?**

Sukumiisumik paasisaqarniaraanni Namminersorlutik Oqartussat saaffigineqassapput.

**MALUGINIAQQUNEQARTUT**

Sanaartortitsisup sanaartornermi qaartiterisoqarnissaa pisariaqartippagu, Attaveqaqatigiinnermut Avatangiisinullu Immikkoortortaqarfik qaartiterinermut akuersissutit kopiianik peqassaaq.

MALUGIUK: Qaartiterisoqassanngilaq ukuninnga peqartinnani:

- Nunaminertamik atugassiineq
- Sanaartornissamut akuersissut
- Qaartiterinissamut akuersissut
- Assaanissamut akuersissut

##

                                    Immikkoortoq 3: Qaartiterinissamut akuersissut / assaanissaq

**SUMIK QINNUTEQASSAGAVIT?**

Qaartiterinissamut akuersissut / assaanissaq

**SUMUT QINNUTEQASSAGAVIT?**

Kommuneqarfik Sermersooq – **Attaveqaatit aamma Avatangiiseq**

**AKUERSISSUMMIK TUNINEQASSAGUIT IMMIKKOORTOQARFIUP ILINNIT PISARIAQARTITAI SUUPPAT**

1. Assaanissamut/qaartiterinissamut qinnuteqaatit
2. Nunaminertamik atugassinneqarnerup assilinera
3. Pilersaarusiat pillugu nalunaaqutsersuineq aqqusinermi suliaqarnermut atatillugu.
4. Ledningit qanoq pineqarnissaat pillugu pilersaarut (ledninginut pilersaarut).
5. Atortut oqimaaqatigiissaarneqarnerat, paasissutissat ukununnga tunngasut ilanngullugit:

- Qaartitigassap / assatassap ataatsimut m^3^-ngorlugu annertussusaat.
- Qaartiterinissamut assaanissamullu atortussat atoqqinneqarsinnaasut m^3^-inngorlugit qanoq annertutiginersoq.
- Qaartiterinermeersut assanneqartullu m^3^-inngorlugit qanoq annertutigisut peerneqassasut.

1. Sanaartornissamut akuersissut imaluunniit toqqaviliinissamut akuersissut ilanngunneqarsinnaavoq.
2. Sanaartorfissap inissisimaffissaata assilinera ilanngunneqarsinnaavoq.
3. Entreprenørip qaartiterutissanik pisinissaanut atuinissaanullu akuersissutaata assilinera ilanngunneqarsinnaavoq.
4. Qaartiterinermi aqutsisup qaartiterinermi aqutsisutut akuersissutaata assilinera ilanngunneqarsinnaavoq.
5. Akuersissutit allanik ledninginik piginnittuniik ilanngunneqarsinnaapput soorlu:

- Tusass
- Nukissiorfiit
- Allat

**MALUGINIAQQUNEQARTUT**

Immersugassaq qinnuteqaat assaanissamut qaartiterinissamullu uani nanineqarsinnaavoq. Link: https://sermersooq.gl/kl/immersuiffissat/

Immikkoortumi allat ledninginik piginniffigisaanni nunami ledningeqareersuni assaanissamik akuersissuteqartoqassappat, taava ledinginik piginnittunit akuersissutit piniaqqaarneqassapput kommune akuersissuteqassappat.

##

                                    Immikkoortoq 4: Kuuffiliinissamut akuersissut

**SUMIK QINNUTEQASSAGAVIT?**

Kuuffiliinissamut akuersissut

**SUMUT QINNUTEQASSAGAVIT?**

Kommuneqarfik Sermersooq – **Attaveqaatit aamma Avatangiiseq**

**AKUERSISSUMMIK TUNINEQASSAGUIT IMMIKKOORTOQARFIUP ILINNIT PISARIAQARTITAI SUUPPAT?**

1. Kuuffiliinissamut qinnuteqaat (Link: https://sermersooq.gl/kl/immersuiffissat/)
2. Assaanissaq pillugu akuersissutip assilinera
3.

**MALUGINIAQQUNEQARTUT**

Kuuffilertinnissamut qinnuteqaammut immersuiffissaq uani takuneqarsinnaavoq (Link: https://sermersooq.gl/kl/immersuiffissat/)

 ****

MALUGIUK: Sanatitsisoq kuuffiit suliarineqarnerisa naammassineqarnerat pillugu  Attaveqaatinut Avatangiisinullu immikkoortoqarfimmut nalunaaruteqassaaq pilersaarut inaarutaasumik akuerineqannginnerani.

Sanatitsisoq kuuffiit suliarineqarnera naammassillugu nalunaarutiginnippat kommune suliamik misissuiartussaaq. Kukkuneqanngippat amigaateqanngippallu kommunimit pilersaarut inaarutaasumik akuerineqarnera nassiunneqassaaq.

##

                                    Immikkoortoq 5: Pilersaarutip naammassineqarnerata kingorna inaarutaasumik akuersineq

**SUMIK QINNUTEQASSAGAVIT?**

Pilersaarutip naammassineqarnerata kingorna inaarutaasumik akuersineq

**SUMUT QINNUTEQASSAGAVIT?**

Kommuneqarfik Sermersooq – **Attaveqaatit aamma Avatangiiseq**

**AKUERSISSUMMIK TUNINEQASSAGUIT IMMIKKOORTOQARFIUP ILINNIT PISARIAQARTITAI SUUPPAT?**

Attaveqaatinut Avatangiisimullu immikkoortoqarfiup kuuffinnik suliaq misissussavaa.

**Pisortat kuuffissuinut attavilersinneq akeqarpa?**

Pisortat kuuffissuinut attavilersinniaruit, kuuffiit pillugit suliamut aningaasartuutit nammineq akilissavatit. Nunaminertamik atugassinneqareersimanngikkuit taanna aamma akitsuuteqarpoq. Nunaminertamik atugassinneqarnermut akitsuut kommunip akinut allattuiviani atuuttumi takuneqarsinnaavoq.

Illuit immikkoortumi sanaartorfissagissarneqaqqammersumi pisortat kuuffissuinut attavilerneqassappat, aamma taassuma sanaartorneranut aningaasartuutit ilaannik, immikkoortup sanaartorfissagissarneqarneranut atasunik, akileeqquneqarsinnaavutit. Immikkoortup sanaartorfissagissarneqarneranut aningaasartuutitaqarnersoq pillugu paasissutissat pillugit kommunip saaffiginissaanut tikilluaqquneqarputit.