---
title: "Imikoorfiit eqqaanni kinisimaartarneq aalisartarnerlu"
description: "Kommunip illoqarfiini inoqarfiinilu mikinerusuni tamani Kommuneqarfik Sermersooq imikoorfeqarpoq."
date: "2026-08-19"
created: "2026-08-19"
---

[Hjem](https://sermersooq.gl/)

                    [Innuttaasunut](https://sermersooq.gl/innuttaasunut)

                    [Eqqakkat Avatangiiserlu](https://sermersooq.gl/innuttaasunut/eqqakkat-avatangiiserlu)

                [Imikoorfiit eqqaanni kinisimaartarneq aalisartarnerlu](https://sermersooq.gl/innuttaasunut/eqqakkat-avatangiiserlu/imikoorfiit-eqqaanni-kinisimaartarneq-aalisartarnerlu)

# Imikoorfiit eqqaanni kinisimaartarneq aalisartarnerlu

Kommunip illoqarfiini inoqarfiinilu mikinerusuni tamani Kommuneqarfik Sermersooq imikoorfeqarpoq. Immikkoortuni kuuffiusut eqqaanni ermup pitsaassusaa sunneqqaneqarsinnaavoq, aamma peqqissutsimut navianartorsiortitseratarsinnaasunik bakteriaqarsinnaallunilu akuutissaqarsinnaavoq.

Taamaattumik imikoorfiit eqqaanni kinisimaartarneq aalisarnerlu Kommuneqarfik Sermersuumiit innersuussutigineqanngilaq.

Kommunip illoqarfiini nunaqarfiinilu imikoorfiit pillugit paasissutissat kommunimiit ataavartumik katersorneqarlutillu tamanut saqqummiunneqartarput. Paasissutissat nutaat pissarsiarineqaraangata, quppernermi matumani tamanut saqqummiunneqartassapput.

# Imikoorfiit nunap assingatigut takussutissartai

## **Nuuk**

        ![](https://sermersooq.gl/i/MOLIRIMEDIA/9aa32845-39f6-46ab-8391-d49b48a570e9?width=800)

            Nuummi eqqaanilu imikoorfiit ilisimaneqartut nunap assingatigut takusassiarineqarput. Imikup imaanut kuutsinneqartarnera trekantimik nalunaaqutsersugaapput.

## Paamiut

        ![](https://sermersooq.gl/i/MOLIRIMEDIA/7b9c86ac-0a1a-45a1-9f47-06ae73255e4f?width=800)

            Paamiuni eqqaanilu imikoorfiit ilisimaneqartut nunap assingatigut takusassiarineqarput. Imikup imaanut kuutsinneqartarnera trekantimik nalunaaqutsersugaapput.

## **Tasiilaq**

        ![](https://sermersooq.gl/i/MOLIRIMEDIA/b4cc81a4-4946-4b07-9c93-bf6c8ee43501?width=800)

            Tasiilami eqqaanilu imikoorfiit ilisimaneqartut nunap assingatigut takusassiarineqarput. Imikup imaanut kuutsinneqartarnera trekantimik nalunaaqutsersugaapput.

**Inoqarfiit allat**

Kommunip inoqarfiini allani imikoorfiit pillugit paasissutissat sumiissusersineqartartillugit misissuiffiginerilu naammassineqartartillugit, tamanut ataavartumik paasissutissiissutigineqartassapput.

# Kommunip innersuussutai

Peqqinnissamik illersuinissaq siunertaralugu, Kommuneqarfik Sermersuumiit innersuussutigineqarpoq:

- Imikoorfiit eqqaanni kinisimaarnaveersaartassasutit.
- Imikoorfiit eqqaanni aalisarnaveersaartassasutit.

Sissaq sinerlugu immikkoortuni kinisimaassagaanni, aalisassagaanni allatigulluunniit sukisaarsassagaanni, imikoorfiit ungasiarlugit pinissaq innersuussutigineqarpoq.

# Kinisimaartarnerit aalisartarnerillu sooq innersuunneqanngillat?

Imikoq inunnut avatangiisinullu sunniuteqartunik bakteriaqarluni, viruseqarluni allanillu mingutsitanik akuutissaqarsinnaavoq. Imikoq imaanut suli iluamik akoorluarneqarsimanngitsillugu, kuuffiit eqqaanni aarlerinarnerpaasarpoq.

Mianersuuteqarnissamut najoqqutassaqarnikkut kommunimiit innersuussisoqarpoq innuttaasullu peqqissusaanik illersuinerusussaalluni.

# Apeqqutissaqarpit?

Imikoorfiit sumiinnerinut, kinisimaartarneq aamma aalisartarneq pillugit kommunip innersuussutaanut imaluunniit quppernermi matumani assit assinginut tunngassutilimmik apeqqutissaqaruit, Avatangiisinut Eqqaavilerinermullu Immikkoortortaq (Eqqagassalerivik) attaveqarfigisinnaavat.

**E-mail: sai@sermersooq.gl**

**Oqarasuaat:** 36 74 00

## Sermersuumi Eqqagassanik tigooraavik

### Sermersuumi Eqqagassanik tigooraavik

affald@sermersooq.gl

### Ring til os

[36 74 25 / 48 25 15](tel:36%2074%2025%20/%2048%2025%2015)

### Skriv til os

Nuummi eqqakkanik tigooraavimmit innuttaasunit, suliffeqarfinniillu eqqakkat tigoorarneqartarput.

Kommunimi 2021-mut Eqqakkat pillugit malittarisassiat – Kommuneqarfik Sermersuumi eqqakkanik pilersitsisarneq atuuttoq naapertorlugu eqqagassat immikkoortiterneqassapput.

Kommunip eqqagassanik tigooraavianut eqqakkanik igitsinermi ingerlatsinermi sulisut attavigineqassapput. Eqqakkat eqqortumik immikkoortiterneqarnersut ingerlatsinermi sulisut nalilissavaat, eqqakkallu sumut inissinneqassanersut innersuussissallutik. Ingerlatsinermi sulisut innersuussutaat eqqakkanik usingiaanermi malinneqassapput.

Eqqakkanik tigooraavik uunga attavigineqarsinnaavoq: affald@sermersooq.gl imaluunniit oqarasuaatikkut 36 74 25 / 48 25 15

**Malugiuk**: Eqqakkanik tigooraavik akigititat atuuttut naapertorlugit akiliisitsinikkut isumaqatigiissuteqareernikkut pinartoqartillugulu immikkut ittumik ammasarfiit avataatigut ammasinnaavoq.

Eqqakkanik tigooraaviup ammasarfiit nalinginnaasut avataatigut ammatinnissaanut ammaffigisassaatut kissaatigineqartoq ullunik pingasunik sioqqullugu isumaqatigiissutigineqassaaq.

Pinartoqarnera imatut nassuiarneqarpoq:

- Peqqissutsimut isumannaallisaanermullu aarlerinartut: Eqqagassat inuup peqqissusaanut isumannaassusaanullu ulorianarpat peerneqapallannissaalu pisariaqarpat.
- Avatangiisitigut pinasuartoqaraangat. Pisuni eqqagassat ingerlaannaq isumagineqanngikkunik avatangiisinut annertuumik ajoqusiisinnaappata.

Eqqagassanik tigooraavik ammasarfiit nalinginnaasut avataatigut immikkut ittumik ammatitsinissamut pisariaqartitsinermi uunga oqarasuaammut attavigineqarsinnaavoq 48 25 15.