---
title: "Nunat avannarliit killiit illoqarfittut pingaarnersaasa aningaasaateqarfiat"
date: "2026-08-05"
created: "2026-06-01"
---

[Saqqaa](https://sermersooq.gl/)

                    [Innuttaasunut](https://sermersooq.gl/innuttaasunut)

                    [Aningaasartuutinik tapiissutinillu qinnuteqarfissat](https://sermersooq.gl/innuttaasunut/aningaasartuutinik-tapiissutinillu-qinnuteqarfissat)

                [Nunat avannarliit killiit illoqarfittut pingaarnersaasa aningaasaateqarfiat](https://sermersooq.gl/innuttaasunut/aningaasartuutinik-tapiissutinillu-qinnuteqarfissat/nunat-avannarliit-killiit-illoqarfittut-pingaarnersaasa-aningaasaateqarfiat)

# Nunat avannarliit killiit illoqarfittut pingaarnersaasa aningaasaateqarfiat

Quppernermi uani Nunat Avannarliit Killiit illoqarfittut pingaarnersaasa aningaasaateqarfiannut qinnuteqarnermi piumasaqaatit atuuttut annerusumik atuarsinnaavatit. Aammattaaq qinnuteqarnermi immersugassaq quppernerup ataaniittoq nassaarissavat.

Nunat avannarliit killiit illoqarfittut pingaarnersaasa aningaasaateqarfiat – Nuuk, Reykjavík aamma Tórshavn

Ataatsimut aningaasaateqarfik Nuuk, Reykjavík aamma Tórshavn maanna tapiiffigineqarnissamik qinnuteqarfigineqaqqippoq. Aningaasaateqarfimmi ilaasortat juunip aallartinnerani ataatsimiissapput, tassanilu tapiissutinik agguaanissaq pillugu siulersuisuni ilaasortat aalajangiissallutik.

Nuummi, Reykjavíkkimi Tórshavnimilu kommunalbestyrelsit ukiumoortumik aningaasaateqarfimmut aningaasaliisarput, aningaasaliissutillu atorlugit kommunit pingasuusut akornanni innuttaasunut taavalu kultureqarnermut, ilinniartitaanermut timersornermullu tunngatillugu suliassat nukittorsarneqartussaallutik. Illoqarfinnit pingasunit qinnuteqarnermi peqataanikkut tapiiffigineqarnissamut periarfissaqarnerussaaq.

Inuit ataasiakkaat, peqatigiiffiit allallu tapiiffigineqarnissamik piumasaqaatinik malinnittut, qinnuteqarnissamut immersugassaq suliassamik allaaserinneriarluni nassiunneqarnissaa piumaneqarpoq. Qinnuteqarnissamut immersugassaq kommunip nittartagaatigut piniarneqarsinnaavoq www.sermersooq.gl-ikkut. Qinnuteqarnissamut immersugassap atornissaa sapinngisamillu peqqissaartumik immersornissaa pingaaruteqarpoq.

Qinnuteqaat ima nalunaaqutsigaq: Nunat avannarliit killiit illoqarfittut pingaarnersaasa aningaasaateqarfiat – Nuuk, Reykjavík aamma Tórshavn Kommuneqarfik Sermersuumut Kuussuaq 2 Postboks 1005-imut nassiunneqassaaq imaluunniit e-mailikkut uunga kommuneqarfik@sermersooq.gl kingusinnerpaamillu kommunimi **tiguneqareersimassalluni 8. marts 2026.**

## Attaviguk: Pisortaqatigiit Allatseqarfiat

Kommuneqarfik Sermersooq  Pisortaqatigiit Allatseqarfiat Kuussuaq 2  3900 Nuuk

### Sianerit

[+299 36 70 00](tel:+299%2036%2070%2000)

### Uagutsinnut allagit

[E-mail](mailto:kommuneqarfik@sermersooq.gl)

### Eqqaamassatut allagaq

                            Akiligassanut GLN-normu: 5790002292064