23. september 2020

Kommuunip ataatsimiittarfiani kl. 16:15

Paamiuni Najukkamik ataatsimiititaliami ilaasortat:

Siulittaasoq, Lucia Møller-Grønvold

Siulittaasup tullia, Peter-Angunnguaq Mikaelsen (Takkutinngilaq)

Ilaasortaq, Jørgen Jakobsen

Ilaasortaq, Jakob Thorsen

Ilaasortaq, Hermann Hegelund

Peter-Angunnguaq Mikaelsen ataatsimiinnermi peqataanngilaq. Takkutinnginnami.

Soqanngilaq.

Afholdt møde. Referatet er på vej.

Ulloq 14 januari 2019 aningaasaqarnermik ataatsimiititaliaq ataatsimiinnerminni ukioq

2019-mut aningaasaliissutissat tamakkiisumik akuersissutigaat, immikkut

oqaasertalernagit.

 

Ukioq 2020-mut aningaasaliissutaasut kr. 350.000.- ipput. Aningaasalliissutaasut ulloq

16. september 2020 killiffiat imatut isikkoqarpoq.

Atugassat:              Atuisimaneq:              Killiffik:

Kr. 350.000.-          153.748,97                 196.251,03

 

Piniakkat suli akilerneqanngitsut:

Bænkit atasumik nerrivittallik tallimat. Akia ataaseq 5.900,00. Katillugit akia 29.500,00

 

Tusaatissatut tiguneqarpoq.

Dr. margrethep inuuiani kageq, taamatullu nunaqarfiit ataatsimeersuarnerani akiliutaasimasut allamut nuunneqassapput.

Peter Ernst Frederiksen, Søren V. Petersen peqatigalugu siunnersuutigaat/ ujartorpaat lokalradio atuutileqqinnissaat, Nuilaami sullinneqartut suleqatigalugit. Allakkat lanngullugit akkiunneqarput.

Lokalradio peqatigiiffiuvoq, Najukkamik Ataatsimiititaliamut attuumassuteqanngilaq. Taamaattumik peqatigiiffimmut saaffiginninnissaa innersuussutigineqarpoq.

Najukkamik Ataatsimiititaliaq tapiiginnarnikuuvoq.

Immikkut maluginiarneqarpoq qinnuteqartoq atorfilittut atsiorsimanera. Pisortarisaq aqqutigineqarsimanersoq aamma apeqquserneqarpoq.

Lokal Radio-mik aallartitsiniarnerat kaammattuutiginarpoq, kisianni aqqutissat eqqortut aqqutigalugit.

Thiiooq Knudsen-ip siunnersuutigaa Pavillionit kusanaqisut nappaneqarsimasut, atorluarneqalersimasullu atuisunit torersumik atorneqassasut. Taamaattumillu siunnersuutigaa imigassartorfiunnginnissaannik allagartaliisoqassasoq.

Thiiooq Knudsen-ip siunnersuutaa taperserneqarpoq. Pavillion-nini imigassartorneq taamaasilluni inerteqqutsinngorpoq.

Dorthe-Marie Mogensen-Fontainimik ateqarpunga, qinnuteqarpunga misilillugu amigaatitsinnik meeraaqqerivik meeqqami.

Meeraaqqerivik vuggestuemi angajoqqaat sinniisaatut ingerlavunga, taannalu tunngavigalugu qinnuteqaasiorlunga.

Siullermik paneqarpunga ataatsimik ukiulimmik atuakkamillu nuannarisalerujussuaq, taamaattumillu ujartuisimavunga meeraaqqerivimmi atuakkanik, paasivaralu soqanngivissortut.

Atuakkat misigissutsinik pilersitsisarput, atuakkallu eqqarsalersitsisarput, fantaseqalersitsisarput, ilisimasaqartitsilersarput pingaarnertullu meeraaqqanut oqaasertusaatitut atorluarneqarsinnaallutik. Taamaattumik atuagaqarnikkut siuarsaaqataassaagut siunissaannut, atuagaqarneratigut oqaatsitigut nukittorsaaqataassaagut, sulisut meeqqallu imminnut attaveqaqatigiinnerat nukittorsaaqataassaagut, tunngaviliissaagut siunissaq ungasinnersusoq eqqarsaatigalugu pitsaasumik. Taamaattumik atuakkanik meeraaqqerivimmi pigisaqarneq tamatsinnut iluaqutaassaaq maani, tamatsinnut siuarsaaqataassaaq maani illoqarfitsinni. Siunissamilu taakku suliniutaasut uteqqikkumaartut qularinngilara.

Ilissinnut qinnuteqarninnut pissutigaara meeraaqqerivimmi pinngussat pisoqalereeqisut nutarterneqalermata taamaattumillu meeraaqqerivik namminermi akissaarulluni atuakkanik pisinissaminut.

Illoqarfinnguatsinni siuarsaaqataasinnaasutut takorloorakkit ilissinnut qinnuteqaatigaakka neriuppunga tigulluarneqarumaartoq.

Atuakkat akii amerlassusissaalu:

Atuakkat meeraaqanut meeqqanullu mikisunut tulluarluinnartut uku qinerpagut, qupperneri issusuujupput qalipaatigilluni, tikkuartuilluni oqaasertusaasinnaallutik.

Init tamarmik peqariarunik saniatigullu sillimmat taava tallimat 5 stk.

5 stk akia 169,95kr =849,75

5 stk a 69,95kr=349,75

5 stk a 119,95=599,75

5 stk a 79,00kr=395

5 stk a 169,95kr=849,75

5 stk a 149,95kr=749,75

 

 

5 stk a 119,95kr=599,75

5 stk a 179,95kr=899,75

5 stk a 199,95 kr=999,75

5 stk a 59,95kr=299,75

Tamaasa katillugit 6592,75 kr

 

Inuss.

Dorthe-Marie Mogensen-Fontain

Najukkamik Ataatsimiititaliaq, ulluinnarni kommuunip ingerlatsivianut aningaasaliineq ajorpoq. Taamaattumik siunertaq paasilluaraluarlugu itigartitsissutigineqarpoq.

Matumuuna neqeroorutigivarput inuttut ineriartorneq – Inuttut imminut qiviarneq, sooq ilaatigut ingerlariaqissinnaasanngilagut? Pillugu saqqummiisinnaallutta/seminarertitsisinnaalluta. Maannamut ingerlatitsilluta misilittaakagut takutissimavaa peqataasunut iluaqutaasoq. Peqataasut takutippaat oqariartuutigalugulu inuttut pissarsiat ilaatigut ukusuut; ulluinnarni inuttut oqimalutaasut qamaniittut nassuiaruminaatut inissisinnaangorlugit allavisillugilu, paasillugulu iperaasinnaanermut aqqutissaqartoq, qanorlu kingunera oqilialannartigisoq. Qulequtaritinneqaartoq eqqortinnartoq qulequtaannaanngitsoq, tigussaasunik assersuutit pissarsinartut. Paasisaqarnarluni alloriaataasoq. Unittoorutaasinnaasunik alloriaqqinissamut ammaassisuuvoq. Ulloq imartooq.

Saqqumiineq takutitsinerlu makkuninnga imaqarpoq

  • Terapi sunaava?

  • Sumut qanorlu atortarpa/atorsinnaava?

  • Inuunerput nammineq akisussaaffigaarput, immunut qiviarneq.

  • Apeqqutit akissutillu piffissaqarfigineqassapput.

Peqataasut suna pissarsiarissavaat?

  • Imminut paasisinnaanerulerneq / inuttut imminut qiviarneq.

  • Imminut naleqartinnerup asanerullu pingaarutaa paasillugu.

  • Inuttut ineriartornissap nuannersortaanik takunnilerneq.

  • Sungiusaatinik misiliineq, peqataasoq taamaasilluni imminut ikiornissamut sakkussaqalissaaq.

 

Terapeutit marluuvugut, misilittagarigatsigulu peqataasunut ulloq killitsisimanartuusinnaasoq, arlarput piareersimasuaannarpoq pisariaqartitsisut isumaginissaanut.

Seminari kalaallisut ingerlanneqassaaq.

Ulloq seminarerfik nal ca. 8-16, annerpaamik 20-inik peqataasoqarluni holdimut ataatsimut. Annerpaaffeqarnera peqqutaavoq misigissutsinut tungaasummat, peqataasut taamarmik killilersoratik (nununatik) pissarsiaqarniassammata. Ullormut holdeq ataaseq akeqassaaq 13.500 kr.

Tamatuma kingorna terapi kissaatigineqarpat, tamanna inunnut ullormut amerlanerpaamik 8-nut, ullormut 8.000 kr.-imik akeqartumik neqerooruteqarpugut. Matumani eqqaamaneqassaaq inuit ilaasa qaangiiniarunik arlaleriarlutik terapeertinnissaq pisariaqartittarmassuk.

Saqqumiineq ca. 2-3 tiimi akeqassaaq 5.000 kr. Saqqumiinermi imaaritillugu naatumik nassuiatigalugit, Terapi sunava, sumut atortarpa, inuttut ilualliutigut sooq malugigunnarlugillu takkuttarnersut, suut tamarmik aallaaveqarnera pasinarsarlugu nassuiatigalugu assersutigalugu.

Tamatuma saniatigut siumut/utimullu billetit ineqarnerlu isumagalugu akilissavasi, (inunnut marlunnut sinittarfik) tikinnermit aallarnermut ineqarfissarput.

Ilissi aqqissussuarsi peqataasusanut naammatumik ataatsimoorfissamik, teraperissagutta ineqqanik marlunnik pissariaqartitsisugut. Seminarertitsinermi pingaruteqarpoq peqatasunut sutugassaqartitsinisaq, soorlu ullaap tungaani iffiugaq, kaffe, tii, ullup qeqqasiutissat, ualikkut sutugassat, pisutigalugu ulloq tamakkisumik peqataanermi nukinik attuiffiusarmat misigissuseraluni.

Neqeroorutitsinnut soqutiginnissagussi qilanaarissuarput tusarfigissallusi. Imaluunniit apeqqutissaqarussi ataani allaqqasumut attavigisinnaavassinga.

 

Inussiarnersumik inuulluaqqusillunga

Tankefeltterapi Ilulissat

Janne & Peter Petersen

Tlf. 56 63 97

email; farmorjanne@hotmail.com

Neqeroorut soqutiginaraluaqisoq, kommuunip Tungiuinermut Immikkoortortaqarfianut ingerlateqqinnissaa innersuussutigineqarpoq.

Hermann Hegelund: Paamiuni illut isalluinnalersut aserfallassimaqisullu, qanoq iliuuseqarfigineqarsinnaanerinik ujartuivoq.

Asimi piniartut illuarai aserfallakkaluttuinnartut iluarsartuunissaat kaammattuutigaat.

Paamiuni napparsimaveqarfimmiit sullinneqarneq assut kipiluttunartinneqarpoq. Sullissineq ajorluinnartoq ingerlanneqarpoq.

Paamiuni Najukkamik ataatsimiititaliami ilaasortat:

 

Siulittaasoq, Lucia Møller-Grønvold

 

Siulittaasup tullia, Peter-Angunnguaq Mikaelsen (Peqataanngilaq)

 

Ilaasortaq, Jørgen Jakobsen

 

Ilaasortaq, Jakob Thorsen

 

Ilaasortaq, Hermann Hegelund

Afholdt møde. Referatet er på vej.