210310 – Ileqquusumik ataatsimiinneq

Ataatsimeeqataasut 

Michael Rosing (AT)
Uju Petersen (IA)

Oqarasuaatsikkut

Storm Ludvigsen (IA)
Henrik Rachlev (IA)
Thiiooq Knudsen (S)

Oqaluuserisassat akuerineqarput.

2a. Siulittaasup nalunaarutai:

• Ingerlatsiviup suliniut Kivitsisa atorlugu alimasissumik atuartitsineq ineriartortissallugu aallartippaa, taannalu nunaqarfinni pingasuni, tassa Kapisilinni, Arsummi aamma Qeqertarsuatsiaani ukiup atuarfiusup tulliani ingerlanneqassaaq. Aamma 4-7. klassini (akullerni) tuluttut aamma matematikkimik atuartitsinerit ukkatarineqassapput. Suliniut kingorna nalilersorneqarumaarpoq.

2b. Ingerlatsivimmit nalunaarutit:

• Ingerlatsivimmi maajip ulluisa aallaqqaataanni stabschef atorfinissaaq. Taannaavorlu Charlotte Bech, tassa ullumikkut Meeqqanut Ilaqutariinnullu Ingerlatsivimmi stabschefiusoq.
• Atuarfik Samuel Kleinschmidtimi (ASK) atuarfiup pisortaa soraarniuteqarpoq. Atorfiup inuttalerneqarnissaata tungaanut USK-imi ilinniartitsisoq atuarfiup pisortarigallagaatut ingerlassaaq. USK-ip aamma ASK-ip akornanni qanimut suleqatigiinnissaq pisariaqartinneqarmat USK-imeersuunera pitsaaqutitaqarpoq, pissutigalugu atuarfiit pineqartut marluk atuarfissarsuaq naammassippat kattunniaramik. Atorfimmut inuttassarsiorneq suliarineqarpoq.

Ilisimatitsissut tusaatissatut tiguneqarpoq

Ilisimatitsissut tusaatissatut tiguneqarpoq

Inassuteqaat akuersissutigineqarpoq.

Henrik Raclev (IA)
Paamiuni atuarfik, atuarfiup nutarterlugu aallartissimanera assut nuannerpoq. Ilinniartitsisut atuartullu ingerlalluarpasipput. Tusalaarusunnarporli nakkutilliiartorluni orniguttoqarsinnaanersoq, tassami ingerlalluarmat malinnaatinneqarnissaq pitsaassaaq.
Ittoqqortoormiini silami naluttarfeeraliortoqarpoq, aamma Paamiuni peqalernissaa pitsaassagaluarpoq. Taamaammat eqqarsaatigaara Paamiuni Najukkami Ataatsimiititaliamit tamanna eqqarsaatigineqarsimanersoq.
Suleqatigiissimanitsinnut qujanaq, tamatta akornatsinni suleqatigiilluarsimaqaagut. Qujanarujussuaq.

Thiiooq Knudsen (S)
Atuarfimmut tunngatillugu, atuarfik nutarterlugu aallartinneqarsimasoq nuannerpoq, atuarfimmut nakkutilliiartortoqarnissaanut Henriup kissaataanut isumaqataavunga.

Atuarfiup eqqaani pinnguartarfiliortoqarnissaa kissaatiginarpoq, pitsaassaqaaq pissutsinut naleqqussarsimasumik ullutsinnullu naleqquttumik sanasoqarsinnaaguni.

Danmarkimut Arsummullu angalanikuunitsinnut qujanaq, misigisavut nuannerput innuttaasunillu ataatsimeeqateqarluarluta.

Pitsaanerpaamik kissaappassi tamassilu suleqatigiilluarsimanitsinnut qujanaq. Naak assigiinngissuteqaraluarluta alloriartarpugut, taamaammat Inuit Ataqatigiit, attaviitsoq aamma atorfilittat qujaffigerusuppakka, suleqatigiissimanermut qujanaq iluatsilluarisilu.

Michael Rosing (AT)

Ataatsimiititami suleqatigiinnermut, atorfilittanut minnerunngitsumillu oqalutsinut qujanaq. Siunissami iluatsitsilluassamaarisitoq.

Imaqarniliaq akuerineqarpoq nal. 14:30