Sunniuteqarsinnaaneq

Kommuunimi kikkut suullu sunniuteqarsinnaasut nalunaarsorsimaffiat immikkoortortani tulliuttuni atorneqarsinnaapput. Ilaatigut uku pineqarlutik; kommunalbestyrelse politikkikkut ataatsimiititaliallu kiisalu nunaqarfimmi aqutsisut, najukkami ataatsimiititaliat, siunnersuisoqatigiit ingerlatsiviillu, tamarmik kommuunimi sunniuteqaqataasinnaasut.


Kommunalbestyrelsi

Kommunalbestyrelse 19-inik ilaasortaqarpoq, ukiut sisamakkaarlugit qinigaasunik. Kommunalbestyrelsemi ilaasortat borgmesteri siulersortigalugu kommuunimi ingerlatsineq akisussaaffigaat. Kommunalbestyrelsellu ataatsimiititaliaanni ilaasortaallutik

Politikkikkut ataatsimiititat arlallit allanngortiterneqarput. Siusinnerusukkut oqaluuserisassat imaqarnialiallu atorneqarsimasut “Ataatsimiitat atorunnaartut” ataani takusinnaavatit, uani: Oqaluuserisassat aamma imaqarniliat

Nunaqarfimmi aqutsisut

Kommuunimi nunaqarfinni aqutsisut sisamaasut, nunaqarfinni arfineq-pingasuusuni ingerlatsisuupput, taakku aamma nunaqarfinni atugassarititaasut immikkuullarissut politikkikkut allaffissornikkullu aalajangiisoqassatillugu tusarneqarnissaat suliassaraat.

Najukkami ataatsimiititaliat

Najukkami oqartussaaqataaneq aamma innuttaasut qinikkallu akornanni ammasumik oqallittoqarnissaa najukkami ataatsimiititaliat sulinerannut siunertaapput. Suliniutit pikialaartitsinerillu assigiinngitsut najukammi ineriartortitsiffiusunik ataatsimoornermillu pilersitsisunik piviusunngortitsinissamut akisussaaffeqarput.

Siunnersuisoqatigiit

Kommuunimi siunnersuisoqatigiit suliassaat tassaavoq kommunalbestyrelsemut ingerlatsivinnullu assigiinngitsunut siunnersuissallutik tusarniaanernilu peqataassallutik.

Ingerlatsiviit

Kommuneqarfik Sermersuumi ingerlatsivinnut tallimaasunut agguluttugaavoq, taakku ingerlatsiviit assigiinngitsunik akisussaaffeqarput, taakkuuppullu kommunalbestyrelsep ingerlatsinermut tunngasunik apeqquteqarfigisinnaasaat.