Illoqarfiit akisussaaffeqarnerulissapput

Illoqarfiit akisussaaffeqarnerulissapput

Sulisut 35-t kommunip Tasiilami Paamiunilu suliffeqarfiutaaniittut sulisoqarniarnermut tunngasunik ulluni marlunni pikkorissarneqareernermik kingorna sulisunut tunngasunik suliaqartalernissaminnut piareerput.

Pikkorissaanermi anguniagaavoq Kommuneqarfik Sermersuup Tasiilami Paamiunilu suliffeqarfiutaani ingerlatsisut immikkoortortanilu aqutsisut piginnaanngorsarnissaat, taamaasillutik sulisoqarniarnermut tunngasunik namminneq ingerlatsisalerniassammata, soorlu sulisussarsiornermi, atorfinitsitsinermi, sulisunik kinguneqartitsisarnerni, soraarsitsinerni il.il. Illoqarfinni akisussaaffeqarnerulernissaq taamalu namminersuutigalugu sulisoqarniarnermi isumaginnittalernissaq siunissami anguniagaavoq.

Kommuneqarfik Sermersuumi Sulisoqarnermi Immikkoortortaqarfimmeersut Tasiilami Paamiunilu pikkorissaasuupput, pikkorissartitsinerlu Nuummi arlaleriarlugu aamma ingerlanneqarumaarpoq.

Allattoq: -kha
Assit: Marie Rødgaard